AYUB 8:3 - Allah Wene Fano Wene Hupla Inane

³ At Allah Omame Mondok Hokho mene andi re wene higithogo hilingitarek wene andi inom eberogo hilingitarek wene andi inom he kwanirogo hilingite mene ekhe weregen a?

AYUB 8:3 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

2 TAWARIKH 19:7

Nit nineisena Tuhan Allah andi nen he, aben henarogo hilingitik, fena fikhit enek ebikhit agik, inenggi a'makwe heligik, hilingitarek mene andi re, mondok abit anggikherek enggere, hiren Tuhan oba hinailorogo logolik hinendawinggen wenggelogo nek hilingitu nogo,” iluk yagaisasikhe.

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

AYUB 19:6

A'nogo anggikhi lagep halok he, wene yi futfeni. At Allah nenat yi enggin ti enggin noba fikhesik, heina su elema kwalharek andi hak, At elonggoma nobagaikhemo welagi o.

AYUB 19:7

An weak noba ari'lago andi nenahalok, iluk nane hokhorogo kwe igirek meneat he, afuni ekhe nen nane futnobagau re elo'lek. Wene higithogo pilingisogo leget fagarek mene andi faget nane kweti lagi meneat he, afuni ekhe nen nane inesanggo holi'lagwi lego.

AYUB 21:15

Iren wenggelhikhi logolik he, ”Niren nenaluk Allah faget hilingisugun nogo, niren At oba samban ugun andi re we alomarogo hak.

AYUB 21:20

Ap weak hilingiterek agun andi re, at onggwarek aweak onggo ambisangma hagain enek, At Allah Mondok Lego werek mene a'nogo anini fikherek mene andi re ap andi enek hagainat.

AYUB 34:5

At Ayub en ikhi logolik he, ”An noba weak mene ekhe werek lek, oba nen he, At Allah nen an noba katukhogo mene re yi iluk wo'neri'lago lek.

AYUB 35:13

At Omame Lego werek mene a'nogo eilenggen isigi'lek, esanggo holhi'lek werek kwelek he, iren inane omameba kweri'lagwi mene andoma re we alomarogo kwetu werek.

AYUB 36:23

At lagainkwe re yi iluk ap sa hagen u hak nogo? Athe Hat weak hilingitenma o, iluk ap sa hagen At Tuhan oba hikhibet ha hak nogo?

AYUB 36:3

An elalnafikhe agun andi re Aren kotokhogo hilingiterek enek a'nogo enekse'ma hoageluk he, an nelu welagi mene andoma mondok hokhorogo hilingi'mo re andomaba igiluk welagi.

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

AYUB 4:17

Afuni Allah eilhanem weak hilingiti'lek ekhe welagaikharek nogo? At Walhasikhe andi eilhanem he fano tegelek mondok ekhe logou hak nogo?

AYUB 40:8

An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

MAZMUR 99:4

Hat he Raja homame hokho mene welagen, higithogo hilingitarek mene andi nek hendawirogo welagen. Haren enek eberogo wene a'nogo omamet fikhi lagen, Harenat he it afuni Israel mene were'ma andoma higithogo hilingfisigik, wene melalek omanogo menfigik hilingiti lagen.

YEHEZKIEL 18:25

We it ekhe nen yi'nogo agarek logou hak, ”Tuhan nen hilingiterek mene andi re nonghonghogo hilingiterek iluk agarek. Oba nen he, ap Israel mene yi re hinesanggo fanorogo holini o! An nen hilingiti lagi mene andoma re nafekwe nonghonghogo hilingiti lagi anggikhi lagabe? Hirenek he hinafekwe nonghongsek welagep.

YEHEZKIEL 33:17

Oba nen he it inunggulenu andi nen ikhi logolik he, An nen hilingiti mene andoma re, higithogo hilingiri'lago iluk agarek lek! Oba nen it inonggwarek enek he, higithogo hilingiti legengge nen ili'lagwi.

YEHEZKIEL 33:20

A'nogo hilingik kwelek oba nen, it inunggulenu Israel mene nen An nen hilingiti lagi mene faget he higithogo hilingiri'lago lek, iluk agarek. A'nogo agarek oba nen ibi-eberogo nen he An nen it wene inoba figik kotik iren hilingiri'lagwi higithogo hilinginabigin o,” ikhe.

DANIEL 9:14

Neisena Tuhan ALLAH hobabut higithogo nek hilingitendek andi nen he, Haren, Mondok weak mene ninoba lakfei wesigin iluk isigin mene arat wendeberogo fesigindik, ninoba higithogoat lakfei wagen. Meneat he, niren hat hane ninesanggo hologo hilingiti logou mondok ninabit andi.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.

WAHYU 16:7

A'nogo ikhesi'mo nen, ombo'ne re, Allah anggo warogo noletarek oba nen mel ugunem holhi: ”Allah neisena, Tuhan homame mondok hokho yi mene ti mene hilingisu higit enek logolik, wene inoba figik, kotik eberogoat egendek a'nogo nen, higithogo hilingiten o, neisena,” iluk ikhi laga holhi.