AYUB 8:22 - Allah Wene Fano Wene Hupla Inane

²² It afuni hat inambit hafarek mene re inenggali a'luk nit sebelek mene hak anggogoin, nen it afuni weak hilingitarek mene inaiba andoma re mondok meisalisamo legasigin,” iluk isikhe.

AYUB 8:22 ပူးပေါင်းရင်းမြစ်များ

AYUB 15:34

Afuni kwanirogo hilingitarek mene halok he iren tagomangge mene ekhe logogun lek, nen afuni inenggi a'makwe nen helaluk inawi wutarek mene andi re endu nen altamukhogo nagain.

AYUB 18:14

At ebere awi sabu sale'ma omanogo abolo'lek were'ma nen hambokhogo waluk he, wa'lagu mene inoe enupogot a'nogoba waganogo elokhoma omanogo fei wagama werek.

AYUB 21:28

Hiren heinok wanhi logolik he, ”Ap along werek agun a'nogo koma werek? Enggin fenggin inoba fikherek agun a'nogo ebe werek oba re koma he,” iluk heinok wanhi lagep.

AYUB 36:6

It afuni weak hilingitarek mene re ineluk uanhogo logouwageluk hilingfisikherek lek, it afuni inoba ou-pou hagarek mene inoba re Aren katukhogo nek hilingfisikherek.

AYUB 4:21

Inebe a'nogo lek agaikharek andi, inangge yi mene ti mene mondok longgo ikheregat, nen, it inebe inungguloa'ma nen fanorogo wenggelhugu mene a'nogo heligi'legengge wa'lagaikharek andi, iluk yaganetunem nesanggo holhigi,” iluk yagatikhe.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AYUB 8:15

Agalesangge andiba tibet fuluk hilingisumo re elok omame werega? Nen, yo andiba inenggi senengge iluk senogo logoumo nen he omamerogo logou hak nogo a? Elo'lego.

AYUB 8:18

Oba nen he enggangge andi yogondak walhogo sanokhano, sanok hugunemen he at ebe andem wulibik welaga lek mene hak hilingi'mo hogoin.

AYUB 9:1

A'nogo isikhemo re, at Ayub en onggo ikhi logolik he, ”Eberogo, haren ikhi lagen andi re heranhogo wene ikhi lagen lek, andoma mondogat he an nelu welagi. Oba nen he, Allah elokhoma afuni fano hilingitarek mene ekhe werek nogo?

MAZMUR 109:29

It afuni an noba fu'mo hikhip niili'lagwi mene andoma re it inebe sebelfisagarek awene a'nogo nek inoba asi wesigin, nen su hokho mene jubah endakwe labetarek a'nogo hak he it inenggali mene inoba sebelinabi wesigin.

MAZMUR 132:18

Nen o kerajaan aren melalinafi logogin oba andoma re mondok fanorogo nek logogun. A'nogo meneat he, at inom weak mene re, inenggali warogo fikhi logogin,” iluk Harenat isigin andi iluk wuni watukwa.

MAZMUR 35:26

We an noba enggin hokho were'ma ineilenggen neagarek mene nen he, inendawinggen nonghong iluk inenggali asuak. Nen an neilhanem wonoget fakhili'lagwi mene andoma, inenu sebelogo fuluk inenggali warogo fisoak.

AMSAL 14:11

Ap fano hilingitarek mene inawi re omamerogo mondok logogin, oba nen ap weak hilingitarek mene inawi re talorogo lagain.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

YEHEZKIEL 7:27

Raja mene ogore le asiginat, nen at amlogo re endawinggen sebe igin, nen afuni ogore inailo nen inoak leigesugun. Hiren hinobabut hilingiti lagep higithogo An nen unggum hinoba figik, nen afuni inawene pilingisogo ayo wurisikhi lagep hak he An nen ogo hit hinoba ogo ayo wut hinabiginat. Andiba re hiren An Tuhan welagi mene a'nogo hinelu asugun o,” ikhe.

ZAKHARIA 5:4

Tuhan Omame Mondok Hokho welagarek mene a'nogo nen ikhi logolik he, homan inoba asigin mene andi re it afuni yogot wili'lagwi mene inawi wurik lombok ebene inom, nen hesangge hombuk pali'lagwi mene inawi lombok inom andoma lakfei wesigin. Inawi andoma re, homan inoba fugu were'ma nek he o wurik mene omanogo wolelenggen tagalogo kaboksek logogin,” iluk yaganetunem higi.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.