AYUB 8:13 - Allah Wene Fano Wene Hupla Inane13 It afuni Tuhan inonggot engge werek mene andi re a'nogoat werek, aren Allah ba endawi eberek legengge hilingitu halok he, aren hilingisigin mene iluk endawimo wenggelogo hilingiterek mene a'nogo ogo sugwi asi lagarek. အခန်းကိုကြည့်ပါ။ |
I a'nogo firitok ugu halok he, yago mene omanogo halongo ikherek, a'nogo hilingiterek andi re yi mene ti mene amu mene omanogo oan werek kwelek he kem andi nek he weak-weak sawet agarek. No ebe palogo waluk andiba ekhe hilingisu mene oan kwelek he ebe oan aganuk ket lagagu kwelek a'nogo hilingitarek.
Afuni weak hilingitarek mene o Sion werek mene andoma re inailo nen inoak legeti logouwak. It inane ikhi logolik he, ”Allah nen wene sikhiphogo palherek mene andi re endu amulok lagaikherek andi hak mondok-mondok logogin mene palhere'ma re, afuni nen endu nolinafarek mene andiba nen amulok lagagunem hambuget hogoin mene ekhe logogun nogo?
Haren he Tuhan elalogo hobagaikhe mene oba inom, pogot tiaganet figik, kweang ubule warogo figik isikhe mene a'nogo oba inom honggoragendik hilingiti lagen nogo? Nenahalok hat he lingge inukhogo hoak leigeti logolik afuni inoba weak beakhogo hilingfisigik, inaniniba weagerinafik agarek mene omanogo inoba hailorinafi lagen nogo? Ibi-eberogo nen he iren ina'mage lagaluk hit hinoba hilingisugun mene andi re omame werek lego.
A'nogo yagaisasikhesik, ekhe mel yagaisasikhe: ”Hiren nineisena Tuhan oba hinonggot asinogo iluk hinafe hebelogo logoino o. Aren, hit yi'nogo hilingiti logoino, ti'nogo hilingiti logoino, iluk isikhe wene yogondak yagahisikhi lagi mene andi mondogat, hiren ekhe hologo higithogo hilingiti'lek hinendawimo serametfuluk logogubo.
Nineisena Tuhan Allah oba hinonggoragi'lek eberek mondok logolik, hinendawimo nen hunogoat mene faget, nineisena ebe andiat iluk fogeratik, hinebe at amingmingengge hilinglagik ugubo. A'nogo meneat he, hiren fogeratep halok, At nineisena Tuhan nen hinebe mondok legethinabigin, iluk hinendawimo eberek logoubagaigeluk yogondak yagahisigi andi o.