AYUB 7:9 - Allah Wene Fano Wene Hupla Inane

^9-10 Ohena nen elokhe mumetha wagaresigen palogo lek agarek andi higit, afuni andi ogore mondogat wa'lagunem he nekhengge sugulogo inaiba wesu lek hak. It afuni at enggawerogo logogun mene omanogo nen ogore at oba ekhe ebethogoin mondok lek.

AYUB 7:9 ပူးပေါင်းရင်းမြစ်များ

2 SAMUEL 12:23

A'nogo meneat he, yogondak at ebe arat wa'lagasik oba nen, sumburu ninggi'lek logogin andi nenahalok. An nen ambotkwe elugerasigin anggegep a? An hobuk at lagaba andoma ambit lagain meneat he, at ambotkwe an noba wesigin mondok lego,” iluk yagaisasikhe.

2 SAMUEL 14:14

Nit ninebe mondogat he i kweangma kweisalisaluk nekhengge andogosu lek a'nogo hak hilingi'mo re, ninebe mondogat he wa'lasugun enek, nen Allah nen ogore ap mondogat wa'lagu mene hobuk ineluget fou lek hak. Arigini'mo re noe haren ap longgo i lagaikha mene omanogo nekhengge inambotkwe inaiba wesuageluk ebesin.

AYUB 10:21

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.

AYUB 11:8

At Allah omame andi re o pogot koloma werek mene andi horok a'ma hak werek kwelek he mondok lego were'ma re, haren huli-hulimo andoma halamo re elo'lek. At Allah omame andi re afuni wa'la'luk lagaikharek oba andoma re horok ambolkwe hak oba nen he mondok elonggoma ma'lima hilingi'mo re, haren yi'nogo hilingik iluk futfou lek hak.

AYUB 16:22

Tahun an nebe neluk logogin oba re hokhorogo werek legenggere, we eil misik taba an nebe mondogat lambik he hobuk nambotkwe wesigin lek.

AYUB 17:13

We afuni wa'laluk lagaikharek oba andoma nek eberek mondok welagimo re, we o mum se'ma andoma laluk nogokhi logogin.

AYUB 17:16

An nendawimo nen he nit ninebe wa'lasimbik ap wa'la'luk pi lagaikharek oba andoma ninomat pi lambik mene ogore wenggelogo lagu mene andi ekhe logogin lek anggikhi lagi, iluk,” isikhe.

AYUB 3:13

Andem sambul an nebe wa'la'lesik lelema nen he, nabolok lek logolik set walikhi logouwem agwi,

AYUB 30:15

Sogoi furogo lagarek hak an nebe fano welagi mene a'nogo mondogat lek agik, hena palogo lagarek hak an nagaiyek welagi mene a'nogo palogo lek agik ugunem he yogondak an nailo mene nek noba werek.

AYUB 37:11

O henaba re i yenggelfigik, eilabut en he anggulok kut mene omanogoba ombak-bagetik, ikherek.

MAZMUR 39:13

Neisena Tuhan, an nen samban ikhi lagi nane hesanggo holin o, an nen Hat hoba kino yagaheti lagi mene andi fut nobagain o, an le agunem Hat he aloksek logou fuk. It ninambu ninombalak we elama faget welagaukwa hakhogo, an ogore we elama faget Hat hoba hobalek welagi o.

YESAYA 26:14

It inebe re Haren mondogat leget fisegenma wa'lagaikha, it inareagun nekhengge inelugasugun lek, nen it inebe ogo ineluk asugun legat. Nen it inoba ogo ekhe eberisogoin mondok legaro.

YESAYA 38:11

An nen anggikhi logolik, o kweangma yoma nen Tuhan neilenggen hagain lek, athe afuni kweangma yoma mene ogo isagain legat iluk anggigi.