AYUB 7:18 - Allah Wene Fano Wene Hupla Inane

¹⁸ Ninggi'nogo hilingigen Haren o hubet hundik-handik it afuni heilen woginabi wagu mondok welagen. Nen, linggene hundik-hundik he it were'ma inobabut pali wagu mondok welagen.

AYUB 7:18 ပူးပေါင်းရင်းမြစ်များ

KEJADIAN 22:1

Inenggi ekhe inom welagaukwasigen Allah nen Abraham obabut paligeluk, ”Abraham,” iluk woletikhemo at Abraham en he, ”Woi! Neisena. Nebe yi welagi,” iluk yagatikhemo,

AYUB 14:3

Allah neisena, Hat heilenggen an noba lourek mondok logolik meneat he, Haren an nebe wo'narek wene inoba figik, kotik, igin oba andoma wesuagaluk yaganesumo higira?

AYUB 23:10

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.

MAZMUR 73:14

A'nogo tegelhirek meneat he, hundik-handik omanogo re weak mene nek noba asi wagunem, ekhe sambul ekhe sambul hubet-habet andoma re enggin-fenggin hugu mondok welagirek.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

KELUARAN 32:34

It andi o An nen yagahetiba omanogo woginarek lanogen he, pin o. An nagot malaikat mene nen wokhinarek lagain o. A'nogo meneat he, it afuni weak hilingita mene andi unggum inoba fagain weregaro,” iluk yagatikhe.

YESAYA 26:14

It inebe re Haren mondogat leget fisegenma wa'lagaikha, it inareagun nekhengge inelugasugun lek, nen it inebe ogo ineluk asugun legat. Nen it inoba ogo ekhe eberisogoin mondok legaro.

YEREMIA 9:7

Andiba re, Tuhan Omame Mondok Hokho mene a'nogo nen ikhi logolik, ”An nagainafuri andi re eil fano mene hilinglasuageluk he logam oba obabut palharek andi hak An nen nagainafuri inobabut palinabigin o. An nagainafuri mondogat weak hilingita andiba An nen ninggi'nogo hilingisu hak he?

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

ZEFANYA 3:5

Oba nen he At Tuhan ebe o kota andiba werek. Aren he mondok fano mene nek hilingiri'lago, nen, weak mene ekhe hilingiri'lago lek. O hubet hundik-handik he Aren againafuri inoba higithogo nek hilingfisili'lago. Oba nen he, it afuni o kota andiba higithogo hilingitu aple inonggot mene re inenggali higi'lek weak mene nek hilingitu welagaikharek andi.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

ULANGAN 8:16

O leimo afuni le'ma yoma nen sumburu manna hit hinombalak ineilenggen higi'lek inonggot mene hit noagaluk wokhisilik waga laga andi. A'nogo hilinghinabik waga laga andi re, wurep oba fanot fanothinabigiluk hinobabut palhik, hinendawinggen sebelfakhaluk hilingiti logouwageluk hilingirik waga laga andi.

1 PETRUS 1:7

Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.