AYUB 6:6 - Allah Wene Fano Wene Hupla Inane

⁶ Oba nen he ap sa nen nunggungge eluge folek legengge ekhe na hak nogo? Sue enggen elonggoma kut mene andi re enduk mirumo higit nogo?

AYUB 6:6 ပူးပေါင်းရင်းမြစ်များ

AYUB 12:11

Nunggungge nunggunem inamehinggen oba enduk mit ikherek hakhogo, inane ugu mene an nesanggo holhunem ogo a'nogoat holhi lagi.

AYUB 34:3

Afuni nen yi mene ti mene enduk mikhaluk he yi enduk mondok fano mene iluk inelurek, nen inane ugunem holhaluk he ap yi re endawi werek agun nen ili'lago iluk inelu agaregat.

AYUB 6:25

Afuni inane weinam pikhithogo ugu halok andi re inendawimo ogo sakho ili'lago, oba nen he, hiren hinane ikhi lagep mene andoma re ebe ti faget ikhi lago iluk mel tukhumsek legengge, we hesanggeat ikhi lagep!

AYUB 6:30

Hiren anggikhi logolik he, ”At ane eranhogo wene ili'lago,” iluk anggikhi logolik hilingiti lagep. Athe, aren weak mene inom fano mene inom fanorogo nen higi'legengge hilingiri'lago, iluk ikhi lagep.

AYUB 6:5

No keledai re engga ket lagagu mene wogosumo re oba homo u hak, andi hakhogo re no lembu andi ogore nunggungge wogosumo nek he oba homo u hagat andi.

AYUB 6:7

Mondogat andoma re an nalabutmo aldo mene nek hilingi'mo re, an he nenggi nen senhugu mene ogore nabitsek welagi.

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

IMAMAT 2:13

Eluge andi re hit hinom Allah inom wene katokhogo warek werek iluk enekhogo hilingi'more enu warek mene andi re hundik-handik fei waga logolik he eluge fologo fei wagunogo. Nen yi mene ti mene abirengge fei wagu mene andi re eluge folhigik enek fei waga logogun.

MATIUS 5:13

A'nogo yagaisasikhesik he, ”Afuni yoma mondogat faget, mayu hangge hirat welagebo. Mene re, mayu andi aik lek aga halok he, nena meneba aik wereget asugun anggegep? Lego. Aik wereget asugun mondok legen he, kweisalogo lakfisugunem afuni ineisogen sebelisagarek andi.

LUKAS 14:34

A'nogo yagaisasikhesik he, ekhe mel yagaisasikhe: ”Mayu andi fano o. Meneat he, aik lek aga halok he, nena meneba aik weregerasugun.

KOLOSE 4:6

Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.