AYUB 6:4 - Allah Wene Fano Wene Hupla Inane

⁴ At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

AYUB 6:4 ပူးပေါင်းရင်းမြစ်များ

AYUB 16:9

Allah aniniba an nagap mondok pil-palhogo nobagaikhe. Nen, At a'mageba an eil kwelakniugu werek.

AYUB 19:12

At agoromi tentara esa logalogo re an nawi su mene wuri'mo a'nogo pin kwagama re, an nebe heise poloksek wulibu mondok elo'lek agama noasi kuogoluk hilingiri'lagwi.

AYUB 20:16

It ap kwanirogo nek hilingiri'lagwi mene nen arik mene nunggu halok he, at ebeba engginap kwelakfakhugunem he, at ebe kisu aik anini mene nen senggelinafunem hangge aren hilingisigin engge a'nogoba nen wa'lasigin.

AYUB 21:20

Ap weak hilingiterek agun andi re, at onggwarek aweak onggo ambisangma hagain enek, At Allah Mondok Lego werek mene a'nogo anini fikherek mene andi re ap andi enek hagainat.

AYUB 30:15

Sogoi furogo lagarek hak an nebe fano welagi mene a'nogo mondogat lek agik, hena palogo lagarek hak an nagaiyek welagi mene a'nogo palogo lek agik ugunem he yogondak an nailo mene nek noba werek.

AYUB 31:23

Allah nen wene noba fagain andi nailo nen he, a'nogo hilinginafirek lego.

AYUB 34:6

An nen ikhi logolik an weak hilingiti lek ugunem he, ap yi eranen wene ili'lago mene anggili'lago. An weak hilingiti lek oba nen he, yogondak an a'nogo ou mondok elo'lek mene hikhi lagi,” iluk ili'lago.

AYUB 7:20

Afuni ineaga mene yi re! An naweak hilingiti mene andi re Hat he nongagen a? An nen he Hat Hoba enggin hokho mene figimo a? Nenahalok Hat handok a'nogo an noasuageluk ambisang nebikhit hal fikhi lagen?

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

MAZMUR 21:12

Iren at raja awene melalek a'nogo sagalogo fuluk hilingisugun iluk wene lenggalhi logogun halok he, ineranen wene ikhi logogun mene andi re ambisangma fano aga logogin mondok lek.

MAZMUR 38:2

Tuhan neisena, an he Hat homameba unggum wo'nesu fugo, nen ha'mageba an nebe noasu fugaro.

MAZMUR 38:3

Hat handok pisinghogo re an nebeba kwi waga, Hat henggi omameba perelniikhi lagen mene andi re mondok enggin se'ma hikhi lagi o.

MAZMUR 45:5

Hane liolek oba katokhogo tegetik, nen eberogo weneba nek tipsek logouwageluk ninget figik, hilingfuluk he, hat hebe halong-palonghogo hilingfuluk homame asigin mene faget ninghogo hilingiti logoin. Nen elalin hilingiti lagen andomaba re hat homame hokho mene logouwageluk telogo fakhano o!

MAZMUR 7:13

It afuni andoma inobabut hebelhi'legengge nekherogo nek hilingik halok he, Aren he sikhe ap watu meneba pinggi inoasigin iluk fik-fouksek logolik werek. Nen At enggarok enggat felfelengge magaisogo, andok endu hak mene a'nogoba pisinggerisagain iluk asikhe enggelaba wephogo fangsek logolik werek.

AMSAL 14:10

Inendawinggen heiselek mene inom, inagaiyek werek mene inom inendawimo hinago were'ma, ap amu mene nen isa lek hak.

AMSAL 18:14

Ineluk fano logouwogeluk halok he yi enggin ti enggin inoba agunem inonggwareggen halfakhikihi logogun, oba nen inendawimo anggagarek mene a'nogo longgo ikhe halok sa nen hobuk halu hak nogo?

YESAYA 28:19

Hit hinoba weak mene andi asi wagu mondok were'ma re, hiren hinenggi hundik-hundik, hubet inom hubanggo inom enggin-fenggin hugu mondok logogun. Nen, Allah nen yi'nogo hilingi'no iluk ikhe mene andi hit hinesanggo holhaluk he hinailo nen hinoak leigeti logogun.

RATAPAN 2:4

Nit At aselei mene hakhogo, Aren asikhe lirik logolik, andok he nit ninebikhit pisinghogo lakfei waga. Ap nit ninendawimo nina'ma lolo kwelafarek mene omanogo re, Aren inebe mondogat inoate. Endu engganggan palogo lagarek hak, Aren o kota Yerusalem yinogo aniniba hilingisogo fikhe.

RATAPAN 3:3

Linggene inukhogo an nebe endawit nafi lek, yei hundik-handik noatu werek.

MARKUS 15:34

Mum werek kwelek, jam 3 arat asi lagaikhemo re, at Yesus nen Allah mel yagatikhe. Nit ninaneba re, ”Neisena Allah! Neisena Allah! An nenahalok heraknobagegen,” iluk u hak, it inaneba re, ”Eloi! Eloi! Lama Sabakhtani!” iluk ane hokhorogoat yagatikhe.

2 KORINTUS 5:11

It andi nen he, ninoe Enupogot ebe ninailorogo logogun iluk futfikhi logolik he, afuni nen wene andi futfouwageluk inendawimo kagalogo yagaisilik nikhi lago. Nit ninobabut hilingiti lago andi re, at Allah eilhanem weinam andi hak, hit hinendawimo nen nit futninobagakhi logogun anggikhi lagio.

ULANGAN 32:42

It inamep an nandok ebene, hokhorogo labulasigin, Noasuogoluk agarek mene, nenggarok oba inoasigin, Afuni an naselei mene, tok warek, hele warek, ineluk herakfisigi'lek, mondogat inoasigin, iluk ikhe.

RUT 1:20

A'nogo isukwama, at Naomi nen he, ”Nendawimo hai higirek mene u hak, an nenu Naomi iluk yaganeti logogubo. An he, Nineisena Allah Omame Mondok Hokho mene a'nogo nen he, nendawimo mondok alepalerogo hilingisogo nobagaikhemo wagi andi nen he, nenu Mara iluk yaganeti logoino.