AYUB 6:27 - Allah Wene Fano Wene Hupla Inane

²⁷ Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

AYUB 6:27 ပူးပေါင်းရင်းမြစ်များ

AYUB 22:9

Haren it hemi sogwe mene leberisikhi lagen lek mene andi faget enek he fuk, athe it yenggerugwi suarek mene ogore haren homameba sebelogo fisikhi lagenat.

AYUB 24:3

Wam keledai eak yenggerugwi suarek mene inanggo mene re kumbi fetenghogo wulak fisili'lagwi. Wam sapi hemi sogwe mene inanggo re it inoba palegengge werek mene omanogo onggo palogo iluk helili'lagwi.

AYUB 24:9

It ap kwanirogo hilingiri'lagwi mene andi nen he yenggerugwi ineisugwi inagaisawi lek mene omanogo inomameba sebelinarek welagik, it ap inenggi lek mene omanogo inoba it inangge palek werek halok he ap a'nogo omalik he iren heligik, ili'lagwi.

AYUB 29:12

An nen he it ap inenggi lek mene nen lebetninabin ugu halok leberinafik, it yenggerugwi suarek mene afuni nen leberinabu lek mene re an nen leberinafi lagagi.

AYUB 31:17

Nen, an nonggwarek namburu elogat ninggi logolik, yenggerugwi suarek mene inamburu nele logouwagaluk obokhogo herakfisikhi lagi legaro.

AYUB 31:21

Wene pilingitunem it yenggerugwi suarek mene sebel fisaluk, an nane esinet fogoin iluk, it wene pilingitarek mene inenggiba figimo halok,

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

MAZMUR 7:15

Hani, ap weak hilingiri'lagwi mene nen he, weak hilingisugun mene nek hilingiri'lagwi andi. Wene weak mene nek melalfuluk he inebeba nen ineranhogo mene nek hilingiri'lagwi.

MAZMUR 82:3

Yenggerugwi suarek mene inom afuni lebelek mene inom, inebikhit a'luk he inili woginafi logoino, it ap inenggi lek mene inom, elo'lekhogo werek mene inom inoba higithogo nek hilingfisikhi logoino.

KELUARAN 22:21

Hit attak o Mesir ap pok mene higit welagagip aple a'nogo hinendawinggen wenggel haluk he, hiren ap pok mene inoba enggin-fenggin fisigik, nen wene henarogo wene yagaisigik hilinginabu fuk.

YEREMIA 18:20

An nen fano mene hilingfisugu kwelek iren inanini an noba fouwogeluk hilingiri'lagwi andi re hilingisuba hilingiri'lagwi a? Andiba nen an kweang pogole habuli'mo puageluk habulfili'lagwi andi. Neisena, An nen he it inoba Haren hanini fegen hanogo iluk Hat helokhoma nen inebikhit aga lagi mene a'nogo ebetnean o.

YEREMIA 18:22

Ap inanini mene esa logalogo ferekhogo it inawi lokwe wagunem it inailo asuakhogo miming inabin o. An pule puageluk iren pogole habulhik, ele'ma ke'nok uageluk hele webet nobagagik ili'lagi andi.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

YOEL 3:3

A'nogo hilingiti logolik, iren inamingming engge asuogeluk, An nagainafuri fakfisaluk he, sa asigin iluk, oagengge walhigik, inamingmingengge hilingfisigik, nen onggo it ekhe inoba paligik, uang andi re hemi hesangge hilinginafu mene faget fikhi logogun iluk heligik, ina'logomi tugum mene ogo inamlogomi souge mene ogo onggo paligik, nen uang a'nogoba re iren anggur agai faget onggo hunisugun igik, hilingiti lagaukwa. A'nogo hilingiti lagaukwa mene andi faget he wene inoba fagain o.

NAHUM 3:10

A'nogo hilingitarek oba nen he afuni o Tebe werek mene re hele warinarek fisa lagaikharek oba andoma fisa lagaikhama werek. Kwe esanggokwe omanogo nen he it inagainafuri mondogat yei warogo inebe pinggi inoata. It inogogwi kaindek he posiemanggen meneba hele warinafasik he it ap hele warinafa mene omanogo inebe lombok sumbut lagaikha.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.