AYUB 6:24 - Allah Wene Fano Wene Hupla Inane

²⁴ Yogo, hiren, ”Hat haweak ebe yi,” iluk hinenggi tum pilingisogo yagane'ni! hit hinane andi an nen alokhogo logolik holigin enggere.

AYUB 6:24 ပူးပေါင်းရင်းမြစ်များ

AYUB 10:2

Neisena Allah, Haren an weagerogo nobagau fuk. At he ero yi faget hat ninom weim palek logolik hilinghafi lagi iluk weinamhogo yaganom.

AYUB 13:23

An nen naweak hilingiti mene inom, kwanirogo hilingiti mene inom he, miren hakhogo hilingik? An nen Hat hane taganhogo ekhe hilingiti halok he, Haren weak hilingiten mene ekhe yi-yi iluk yaganesigin halok fano!

AYUB 32:11

Hit hinane ugunem an nesanggo holek logolik nabolok lek welagi, nen hiren hinane hebelek mene ninggi'nogo ugun iluk heratunem andoma re nenangot hisikhi logolik welagiat.

AYUB 33:1

Ayub ao, yogondak he an nen nane ikhi lagi mene yi, hesanggo fifurogo holin o.

AYUB 34:32

Hat haweak werek mene omanogo ebe weinam fakhogo yaganesuageluk he At oba yagaten a, lega? Haren hilingiti lagen mene a'nogo palfagain iluk he, hombuk palhen a, lega?

AYUB 5:27

Ayub noe. wene mondogat yagaheti andi re, ebe tiphogo hilinglagunem ikhi lago mene eberogoat mene yagaheti andi nen he, haren herakfisigi'lek hendawinggenma mondok wanin o, noe,” iluk yagatikhe.

AYUB 6:23

An nen he it ap inendawi isigi'legengge hilingitarek mene andoma inoba nen nonggo palogo nagap telnabuageluk kino igi a?

AYUB 6:25

Afuni inane weinam pikhithogo ugu halok andi re inendawimo ogo sakho ili'lago, oba nen he, hiren hinane ikhi lagep mene andoma re ebe ti faget ikhi lago iluk mel tukhumsek legengge, we hesanggeat ikhi lagep!

MAZMUR 19:12

Wene andi mondogaren he, an hamingmingengge fut fouwageluk yaganeterek. An nen wene andi higithogo hilingisigin halok he onggo hokho mene nobagaikhemo werek.

MAZMUR 32:8

At Tuhan nen yaganeti logolik he, ”Kwe fanokwe lagaikharekwe andi re, An nenat yagahesigin o, hat hebe fetharek logolik, yi'nogo hilingiti logoino iluk, yagahetik, komothafik, ikhi logogin o.

AMSAL 25:12

Afuni inendawinggen kagalek mene nen it ekhe inesanggo holu inagaiyek were'ma yagaisagarek andi re, senggan emas mene inenggimo itik, inalilingge emas mondok fano mene inesanggoma kelhik agarek andi higit.

AMSAL 9:9

Haren ap hebelek mene oba komo wene yagasigin halok he, at andi ekhe inomat hebelek mene hilinglasigin. Nen, ap Allah ba tipsek mene komosigin halok he elu agarek mene andi re, ekhe inomat hokhorogo elu asigin.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.