AYUB 6:15 - Allah Wene Fano Wene Hupla Inane

¹⁵ Oba nen he, yago nagaila'lak, meiso wagi'lek hibi mondok were'ma i lagu agai lagarek mene firitok ikherek andi hak hilinglagepsik welagepma re, hit hinoba eberogo anggaluk it weregi, iluk angga lek hak.

AYUB 6:15 ပူးပေါင်းရင်းမြစ်များ

AYUB 11:16

nen hoba ou-pou hikhi lagen mene andoma faget wenggel higi'lek, i fu wagarek mene hobuk endebagunem afuni nen inonggot agarek andi hak andoma mondogat honggorasigin.

AYUB 13:4

Hit he hinebe kemburek welagep mene a'nogo re hineranen weneba ikhi logolik hinati lagepma re, ap heinogengge ineranen wene agarek mene a'nogo inom he agamsek welagep lek.

AYUB 14:11

I mogo yenggelek mene firok-firok legagarek andi hak, firitogigik, nen, i elesi agai lagarek mene firok-firok mondok legagarek andi hak legagik, ikherek andi higit he,

AYUB 19:13

An nogogwi nagoromi nen nagaseratik, afuni an ninom hundik welago mene nen kofologo heraknobagaik agama o.

AYUB 19:19

An nagaila'lak ninom kwe kilik nikhi lago mene nen ineilenggen yetnealuk he, inapsiri nen nagaiserari'lagwi. An nen it inebe nendawinggen hundik welagirek meneat he, heraknobagaluk kwanirogo lili'lagwi andi.

AYUB 6:16

Hit he i lagu agai meiso es mene oba fugunem haro a'luk lagi'legengge abolok lek werek. Nen, o hibi lagagunem es a'nogo yenggele'ma omanogo nen obuluk seleksek legengge mondok firitok-firitok lek agarek. I a'ma ma'lima nogo inom mondogat firitok ugunem obuluk enek hilinglagarek andi hakhogo re hit a'nogoat welagep.

MAZMUR 38:11

Nendawimo pong-pongenggeti logolik, nomame mondogat lek aga, neilenggen he mondogat mum agunem welagi.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

MAZMUR 88:18

Linggene inukhogo andoma Hat anini a'nogo re i fu wagarek hakhogo an haningisogo kwelaknobagaluk werek. Nelokhe kwe nen nambotkwe nen mondogat haningisogo kwelaknarek werek.

AMSAL 25:19

Inoba enggin-fenggin agunem ap inabok palharek mene nen ugu mene faget eberogo anggaluk hilingitarek mene andi re, inaik langetu kwelek sagalharek andi inom, nen ineisok holurogo lagaikharek andi inom emberek higit.

YEREMIA 12:6

Hat he it herugwi hagaila'lak hat werekwe meneba nen ogore inal ngesukum watheaga, iren he hat hebe hoasugun iluk hilingiri'lagwiat. Enggere iren inane amusu tephogo ugun oba nen ogore it inane ugun mene faget eberogo angga fugo,” iluk yaganete.

YEREMIA 15:18

Nenahalok an he enggin-fenggin a'nogo nek hugu logogin nogo? Nenahalok an noumo nagambut wanhi'lek silibut hugu mondok logogin nogo? Haren he i lagu agai mene o hibi lagagunem firitok ikherek a'nogo hak, an nendawimo weaget nobagagin iluk hilingiti lagen a?” iluk yagati.

YEREMIA 30:14

Hit hinendawi hundik mene omanogo nen hit hinoba inonggorasugun, iren he hit hinoba ekhe ebet hisogoin lek. Hit he eberogo nenat hinaweak mondok hokho pokhorogo logolik, hiren kwanirogo hilingiti lagagip mene re oba li'loukhogo hilingi'mo re, afuni selei mene inoba hilingfisagarek hak An nen hinoasi wagagisik unggum enggin hogo wokhisasigi o.

YEREMIA 38:22

Inabi wokhagarek andi hakhogo higi mene andi re hemi neisena hawi silimo welagaikharek mene omare felelenghogo woginarek he raja Babel mene were'ma lagunem higi. A'nogo lagunem it kwe laga logolik yi'nogo ikhi lagaikha, ”Raja re agaila'lak mene nen endawinggen nonghonget faga, a'nogo hilingitasik iren sebelogo fisogo werek. Yogondak he at eisok taganhogo fesimo wula'lakhogo fikhemo re it omanogo higil agaikha o, ilik lagunem neilenggen higi o,” iluk yagati.

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 16:32

A'nogo yagaisasikhesik he, ekhe mel yagaisasikhe: ”Hit mondogat pugulogo wulakhinobagaumo, an namu nek heraknobaluk hinawilokwe lombok pugulugun oba oan welago meneat he, yogondak arat asi waga o. Hit a'nogo pugulumo, an neisena nemberek logogun andi nen he, nalegat logogin lego, iluk eberogoat yagahisigi,” iluk yagaisasikhesik,

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.