AYUB 5:8 - Allah Wene Fano Wene Hupla Inane

⁸ Hat hoba hilinglaga mene ari, an noba hak hilingla'lepma re, an nane hokhorogo Allah yagati logolik, wene noba mene andi at Allah enggiba horogo feile o.

AYUB 5:8 ပူးပေါင်းရင်းမြစ်များ

AYUB 11:13

Ayub ahwi, hat hendawimo pugun eraluk he, nambigen agwi iluk ebesin! A'nogo hiligisimbik Allah ba samban ino!

AYUB 13:2

Hit hinelu welagep mene andoma an ogo neluregat, nen hiren anggikhi logolik nit enek ninelure'ma athe onggot werek he angga fuk.

AYUB 13:3

Oba nen he, an nen At Mondok Omame Hokho mene a'nogoba nane ikhi lagi. An he At eilhanem andem an nawene hilingik mene andi nalong palagain iluk hilingiti lagi.

AYUB 22:21

Andi halok he Ayub a o, hat hoba hambukhogo logoinogen he, At Tuhan hinom fano-fano a'ni o, Nen, haren a'nogo hilingisigin oba re, ambisangma hokhorogo saburogo helagain werego.

AYUB 22:27

Nen, haren samban ugu halok he At esanggo holuk onggo yagaheti logoginat, nen haren wene hinom wasugun mene a'nogo re tiphogo nek aga logogin.

AYUB 8:5

Oba nen he hat hebe At a'ma logolik, hendawi hundik hilingnabin iluk kinotik, nen naweak honggorabethogo nobagain iluk yagatik,

MAZMUR 37:5

Hit hinebe hineluk hineisena Tuhan woge'luk hinendawinggen At oba tibetfuluk logogun halok, hinendawimo ebesugun mene andoma mondogat he Aren wokhisagain werego.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

YEREMIA 11:20

A'nogo ikhi lagaikhama An nen Tuhan oba samban ikhi logolik, ”Tuhan neisena, Hat Homame Hokho mene, Hat he wene fano ayo wurogo tegetendek mene welagen. Afuni nen anggagarek mene inom wenggelharek mene inom obabut palhendek mene re neisena Harat welagen. An nawene noba mene yi re Hat henggiba fikhi lagi o, neisena. We Haren erenat afuni andoma inoba ambisangma hilingfisugunem heagain o neisena,” iluk samban isigi.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

1 PETRUS 2:23

Afuni nen inane asegen weak wokhugu kwelegat, aren onggo ane asegen wogisigi'legat. Iren yi enggin ti enggin hilingitu kwelegat, aren, ”An hobuk onggo ekhe hinoasigin,” iluk yagaisikhi lagaikhe legat. Athe, ”We, Allah nen wene inoba figik, kotik, higithogo igin sambul werego,” iluk, at enggiba fuluk, ane onggo igi'lek kamo ikhi lagaikhe.

1 PETRUS 4:19

Hit Allah endawimo anggasikheba at hinoba yi enggin ti enggin a'nogo hikhi lagep halok he, hinendawimo nen he, ”At ninebe elalninafikhe mene andiat oba himbirik logogun he, fano,” iluk hinendawinggen at oba eberogoat himbirik logolik hinobabut fano hilingiti logoino.