AYUB 5:19 - Allah Wene Fano Wene Hupla Inane19 Nen hat hoba weak mene asi wagu halok he, hundik-hundik hili wokhafi logogin o. အခန်းကိုကြည့်ပါ။ |
Wene ero 7 nen Tuhan abit anggikherek mene aren herakfagain mondok lek mene re yi: Obabut wonoget fakhikherek mene inom, eranen wene lalinaferek mene inom, enggiba ap weak hilingiti'le'maat inoatarek mene inom, ungguloa'ma nen wene weak mene lenggalogo wulaferek mene inom, weak hilingisigiluk eisok atni weak lagarek mene inom, hundik-hundik eranen wene ikhi logolik, eberogoat neilenggen isigirik iluk agarek mene inom, inagaila'lak inom fano mene weak asuageluk hilingitarek mene inom andoma re At Tuhan nen he mondogat abit.
An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.
A'nogo yagatukwama, at raja nen he, ”A'nogo meneat he, ap inebe enggaminogo mene endu amulok anggelekwe lagik-wagik ugunem yethigi andiri! It inebene mel inagambut mel palek legat welagaikha. Nen it inebe henagan aremnogo werek kwelek he, at ekhe andi ebe afuni nen, ’Nineisena ebe yi aro,’ iluk fogeratarek mene hangge were'ma higi aro,” iluk yagaisasikhe.
A'nogo ebetu were'ma, it ap omanogo inambotkwe inoe raja oba logalogo wagaukwasik he, mel yagatukwa: ”Ninoe. Nit afuni Media mene inom, Persia mene inom, wene palek oba louksek hilingitorek higithogo, it inenupogoren wene ero wulak fuluk, hobuk wene oak sagalogo hunogo mene ekhe u lek hak andi nen he, hat hendawimo eberek welagen a? Eberek welagenat anggogo o, ninoe,” iluk yagatukwa.
A'nogo isukwama, hobugen at raja a'nogo wene arat tekhogo isikhesik he, Daniel ebe fakfembik pogolema singa werek oba omanogo pelabuageluk yagaisasikhe. A'nogo yagaisasikhesik, at Daniel mel yagatikhe: ”Hat hebe heisena Allah oba lombok hogo logolik, fogeratendek mene a'nogo nenat telhabuago,” iluk yagatikhesik he, pelakfesikhe.
Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.