AYUB 5:16 - Allah Wene Fano Wene Hupla Inane

¹⁶ Afuni ekhe inawe a'ma hangge sebelek welagaikharek mene ogore, Allah nen lebetnisagain werek iluk inendawimo eberek welagaikharek. Nen, Allah nen afuni weak hilingitarek mene andi, inambe te'met fisikherek.

AYUB 5:16 ပူးပေါင်းရင်းမြစ်များ

AYUB 31:16

An he, afuni inangge mondok inelagaik mene leberisigi'lek kamo igik, hemi sogwe mene nong a'luk logouwagaluk kofologo herakfisigik, ikhi lagi lego.

MAZMUR 107:42

It inobabut higithogo hilingitarek mene re, a'nogo hilingitunem ineilenggen isaluk, inendawimo inagaiyek agaikharek. A'nogo meneat he, it inobabut weak hilingitarek mene andi re, inambe to'morogo welagaikharek.

MAZMUR 63:11

It andi inebe re weim yafi logolik inoasumo wa'lasugun, nen it inebe warek he mene olomene nen nogoin.

MAZMUR 9:18

It afuni weak hilingitarek mene inom, yi afuni ti afuni inebe mondogat Allah ane sagalogo hilingitarek mene omanogo inom andoma re, it inebe wa'lagaikharek oba omanogo kugun oba arat horogasi wagama werek.

KELUARAN 11:7

A'nogo meneat he, afuni Israel mene inailokwe nek he, afuni inebe inom, wam inom, weagerinafik, inoba sebelhik, igin mondok lego. A'nogo hilingitunem fut fembik, hiren, andi afuni Israel mene ineisena Tuhan nen nit afuni Mesir mene ninoati logolik, afuni Israel mene herakfisikhemo enegat hilinglaga, iluk futfanubagaigeluk a'nogo hilingisigin o, iluk ikhe,’ ” iluk yagatikhe.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YEREMIA 39:11

Raja Nebukadnezar en he it ap tentara Babel mene inoe Nebuzaradan a'nogo wene yi'nogo melalogo wulabuageluk yagate.

ZAKHARIA 9:12

Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.