AYUB 5:12 - Allah Wene Fano Wene Hupla Inane

^12-13 Aren, afuni inendawimo kagalogo lalinafarek mene andi inebe fakfisigik, iren, Yi'nogo hilingisugun iluk, agarek mene sugit fisigik, ugunem he, it anggagarek mene sugi agik, it inendawimo ebetharek andiba inonggwarek inebe laligik, agarek andi.

AYUB 5:12 ပူးပေါင်းရင်းမြစ်များ

KEJADIAN 31:22

It wagaukwa huli nen inenggi henagan welagaukwasik at Laban yagati logolik, ”Yakub a'nogo wilipluk laga,” iluk yagatukwama, a'mage lagasikhe.

2 SAMUEL 11:9

Oba nen he, at Uria ebe aiba lagi'lek, we it ap kain Daud serogo welagaukwa mene inom Daud aiba pa'leget kwe ambe palek oba andoma nogo isikhe.

2 SAMUEL 17:14

A'nogo yagatikhe andi, Tuhan endawimo nen he, ”Absalom mondok weak asuagen he, Ahitofel en wene ebe asigin ikhe mene andi Husai nen sebeluak,” iluk anggasikhebaat yagatikhemo, at Absalom ebe inom agoromi Israel mene mondogat inomen he, mel isukwa: ”Wene Ahitofel en ikhe andi weak ikhe meneat he, Husai nen ikhe andi nek he, fano mondok ikhe o,” iluk isukwa.

2 RAJA-RAJA 6:9

Oba nen at Elisa nen wene hun raja Israel mene a'nogoba lakfikhi logolik he, ”Ap Siria mene nen hit hinoasuogeluk he kwe andi nen wagaikhare'ma re, hit he kwe andi nen la fugo,” iluk wene warogo lakfesikhe.

NEHEMIA 4:15

A'nogo yagaisasigimo, it afuni ekhe nen he, ”Afuni Israel mene omanogo hiren inoasuogoluk weim abok ikhi lagep mene andi, arat inesanggo holhasik werego,” iluk yagaisasukwama inesanggo holhukwasik, iren he, ”Niren it inoasuogoluk ogo mene a'nogo, Allah nen leget fikhe higi,” iluk arat futfesukwa. Futfesukwama re, nit he, leget hobuk andoba wanuogoluk fakfesugu.

NEHEMIA 4:9

A'nogo isukwa andi nen, niren he, samban Allah ayonggo fikhi logolik, o kota Yerusalem hup hundik linggene hundik kagalek mondok welagagu.

AYUB 15:5

Hat honggwarek hane ikhi lagen mene andomaba re, haweak hilingiten mene a'nogo enek ari'lago andi, oba nen he, hat hane pugun ikhi lagen andiba re honggwarek haweak omanogo sebelogo fakhikhi lagen.

MAZMUR 21:11

At raja nen it inebe mondogat warogo fisamo re, it inambisangma mene nen tagongge mene ekhe logogun lek.

MAZMUR 37:17

Ap inobabut weak mene inomamerek logolik hilingiri'lagwi mene andi re At Tuhan nen enek inomame leget fisagain o, oba nen he afuni fano hilingitarek mene re inalong palogo ferinarek logogin.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

AMSAL 22:12

Tuhan he fano hilingitarek mene faget eilenggen fanorogo werek, oba nen, ap lalinafarek mene nen inane agarek mene andoma re weinama faget fisikherek.

YESAYA 19:3

An nen it Mesir mene nen hilingisugun mene iluk eberek werek mene andoma sugitfisigik, it inagaiyek werek mene inagaiyek legetfigik, hilingisigin. A'nogo hilingfisamo iren he tugwi kembu werek meneba komo wene yaganisoageluk kino igik, hareise mene inoba inom, heinogengge mene inoba inom hilingisugun mene yaganisoageluk kino yagaisigik, ikhi logogun.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 44:25

It ap hobuk yi'nogo hilinglasigin iluk agarek mene nen husumbi agarek mene re An nenat sugwiabetirek, hareise higirinafarek mene omanogo An nenat nalek-falek isikhi lagagi. Ap inendawinggen wenggelek mene nen agarek mene omanogo re An nen inane oak sagal fisikhi lagagi, it hebelek mene omanogo re an nenat kembut fisikhi lagagi.

YEREMIA 49:7

Tuhan Omame Mondok Hokho mene a'nogo nen Edom faget ikhe mene re yi, ”Afuni Edom mene re inendawinggen fi furogo wenggelu mene re elo'legen a? Nen, ap komorinafarek mene nen he it inoba komo wene yagaisili'lagwi lega? Iren inobabut hebelogo hilingiri'lagwi mene omanogo re mondogat lek agama hea?

YEREMIA 8:8

Hiren hinambong siserogo hinane ikhi logolik, nit he ninendawinggen wenggelek mene logolik Tuhan awene melalek andoma re ninelu welago o iluk ikhi lagep andi ambi! An nawene yi'nogo hilingiti logoino ti'nogo hilingiti logoino iluk yagahisasigi mene a'nogo it Allah againafuri nen hiligitarek mene ninelurek iluk ili'lagwi inap andi nen henarogo agam eri'lagwingge andi hani!

OBAJA 1:8

Nen linggene An nen o Edom inap mondogat felelenghogo legetfisagain sambul andi re, afuni inendawinggen wenggelek meneba hilingitarek mene inom, it inobabut hebelek oba hilingitarek mene omanogo inom An nen mondogat leget fisamo re inobalik ekhe logogin lek.

KISAH PARA RASUL 12:11

Longgosikhemo at Petrus obabut hebelagaikhesik he, endawimo mel anggasikhe: ”I. At Herodes omameba fetnarek were'ma, it afuni Yahudi mene mondogaren he, yi'nogo hilingisugun iluk nabok palhu kwelegat he, malaikat Tuhan en eberogoat yonggo pelakfei wagama hele fikhalnafe higi,” iluk futfesikhe.

1 SAMUEL 23:13

A'nogo yagatikhemo re at Daud inom agoromi inebe 600 mene hakhogo inom he, o Kehila a'nogo herakfuluk wulibi lagaukwasik o ekhema nen ekhema higilogo lagik lagaukwa. A'nogo lagaukwama at Saul yagati logolik he, at Daud a'nogo re o Kehila herakfisaluk heise wilifa o, iluk yagatukwama esanggo holhikhesik he inoasigin iluk inabok palhikhe a'nogo re sugwi agaikhe.