AYUB 42:7 - Allah Wene Fano Wene Hupla Inane

⁷ At Tuhan nen Ayub a'nogo yagatikhesik, ap Elifas a'nogo mel yagatikhe: ”An nen hat inom, hagaila'lak inebe pire arem inom, hinomen he, wene an nebe faget namingmingengge Ayub en higithogo ikhe hak iren ogo a'nogo egep lek andi nen he An na'mage inoba figi o.

AYUB 42:7 ပူးပေါင်းရင်းမြစ်များ

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 11:1

A'nogo isikhemo at Zofar en ikhi logolik he, ”Ap wene ebe halek legengge obakhe palek ikherek mene yiba onggo u mene ekhe werega? Athe ap ane hokhorogo ili'lago andi fano ikhe iluk herakfisogoin a?

AYUB 2:11

At Ayub weak a'nogo oba agaikhe andi nen, agaila'lak inebe henagan, Elifas aiba Teman mene andi inom, Bildad aiba Suah mene andi inom, Zofar aiba Naamah mene andi inom, inesanggo holhukwasik he, inailokwe lombogen andogotukwasik, iren he, ”Nit at Ayub endawimo fanorogo ninom le agu logouwogen oba louwok,” iluk isukwasik he, wagaukwa.

AYUB 22:30

Haren weak hilingiti'lek welagik, At anggikherek mene nek higithogo hilingitik, ikhi logogin halok he, At Allah nen elok lebethiikhi logogin o,” iluk yagatikhe.

AYUB 32:5

Oba nen he it ap henagan aremnogo nen onggo u elo'lekhogo hilingitunem futfisasikhesik he, aren it inoba a'mage fesikhe.

AYUB 4:1

A'nogo isikhemo at Elifas nen Ayub mel yagatikhe: ”Ayub nagailage. An he neilenggen aninurogo kwelakharek logou re elo'lek hilingi'mo, wene yagahesigin mene yi faget hendawimo weak asigin he a?

AYUB 40:3

A'nogo yagatikhemo, at Ayub en he, Tuhan oba mel yagatikhe: ”An nen wene ap kembu mene nen agarek andi hak yagaheti lagi o, neisena. Wene an nen yagahesigin mondok le'ma re, ninggi'nogo yagahesigin anggegen, neisena.

AYUB 42:1

A'nogo yagatikhemo, at Ayub en Tuhan oba mel yagatikhe: ”Hat Homame Mondok Hokho logolik yi mene ti mene mondogat hilingisigiluk anggegendek mene, herakfigi'lek hilingitendek enek a'nogo an mondok nelu o, neisena.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

AYUB 8:1

A'nogo isikhemo at Bildad en ikhi logolik he, ”Hat hane a'nogo nek ugu mondok henggi miren logogin nogo? Hat hambeba wene wulafi lagen mene andoma re sogoi ane hokho ikherek mene hak, ikhi lagen.