AYUB 42:11 - Allah Wene Fano Wene Hupla Inane

¹¹ A'nogo hilingisogo fesikhemo, at Ayub ogogwi inom, erugwi inom, agaila'lak inebe mondogat inom, afuni attak at inom hundik welagaukwa mene mondogat inom, yi enggin, ti enggin Tuhan nen Ayub oba lakfei wagaikhe andi faget, iren ouwak le agik, endawinggen sebelhik, uogeluk, oba andogotukwasik, at Ayub aiba andoma seni isatukwa. A'nogo isati logolik, it inebe lombogen uang inom, senggan emas mene misiktek inom, Ayub wogetukwa.

AYUB 42:11 ပူးပေါင်းရင်းမြစ်များ

KEJADIAN 24:22

At hele a'nogo nen wam unta omanogo mondogat i wogisasikhemo inalabut ninghogo nasukwama re, at Abraham amingmingengge a'nogo nen alilingge emas onggo hokho mene ekhe wanhikhesik he, hele silerik a'nogo ambisang oba punu watfigik, senggan emas mene ekhe enggiba ikfigik, isikhe.

KEJADIAN 24:53

Fogeratikhesik, su inom, inalilingge perak mene inom, emas mene inom, mondogat hele Ribka a'nogo wogetikhe. Wogetikhesik he, Ribka oe inom, agaisa inom yi mene ti mene onggo hokho palharek mene ekhe wogisasikheat.

KEJADIAN 37:35

A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.

AYUB 16:5

Nawene komo mene yi'nogo ino, ti'nogo ino, iluk yagahisuguba re hit hinendawimo hambuget hinobagagik, hinendawimo konogo hilinghinobagagik, hilingiti logoile aro.

AYUB 2:11

At Ayub weak a'nogo oba agaikhe andi nen, agaila'lak inebe henagan, Elifas aiba Teman mene andi inom, Bildad aiba Suah mene andi inom, Zofar aiba Naamah mene andi inom, inesanggo holhukwasik he, inailokwe lombogen andogotukwasik, iren he, ”Nit at Ayub endawimo fanorogo ninom le agu logouwogen oba louwok,” iluk isukwasik he, wagaukwa.

AYUB 4:4

Afuni inomame lega'luk were'ma hat hane ugunem he elok inomamet fisigik, nen ineindep omame lek mene re haren elok inomamet fisigik egendek andi.

AMSAL 14:20

Ap inenggi lek mene re inagaila'lagen ogo inagaiyek inoba fagarek lek, oba nen he ap inenggiwerek mene halok enek he inagaila'lak hokhorogo werek.

AMSAL 16:7

Hiren Tuhan endawimo agaiyek mene hilingiti logogun halok he, hinom weim palek mene andoma re hinagaila'lak aga logogun.

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

IBRANI 12:12

Andi nen he, hinenggi omame lek mene omamet figik, hineindep abolok ili'logo mene hambuget figik, ino o.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.

YOSUA 24:32

Nen, at Yusuf ebe warek it afuni Israel mene nen o Mesir en waluk wagaukwa a'nogo re, o enu Sikhem, kweang andi at Yusuf en ap enu Sikhem eisena enu Hemor andi, againafuri inoba uang perak 100 meneba onggo palhikheba andoma salhukwa. Kweang andi it afuni Yusuf en tagongge mene wogisasukwama eise agaukwa.

1 SAMUEL 10:27

A'nogo meneat he, it ap fena ekhe inobabut weak mene nen ikhi logolik he, ”Ap yi nen nit faget elok tegelninafi logogin anggegeba?” iluk isukwa. A'nogo isukwasik andi nen he, Saul inendawimo seramet fesukwasik, yi mene ti mene endawimo fanorogo ekhe wogoti'lek halolot fisasukwama re, at Saul en ogo eilenggen isigi'lek fukhanggo hilingitikhe.