AYUB 41:3 - Allah Wene Fano Wene Hupla Inane

³ I a, athe, at enggi hele homago mene haren fikhalogo fouwageluk ane elagaik ane yagaheti logou hak nogo? Athe, haren endawirasuageluk ane liokhogo yagahesu hak nogo?

AYUB 41:3 ပူးပေါင်းရင်းမြစ်များ

AYUB 41:2

Haren he, at ambisang oba hele kelogo figik, agaukwak oba matakail ikan watharek meneba folelogo kelhik, u hak nogo?

AYUB 41:4

I a, athe aren hat yagaheti logolik, An nen hat faget hilingitu mondok logogin, iluk wene wathesu hak nogo?

MAZMUR 24:1

Kweang inom, yi mene ti mene mondogat oba welagorek mene inom, eisewerek ebere, nineisena Tuhan Allah amu welagarek.

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

KELUARAN 19:5

Hit yogondak an nane hologo wene wathisasigi mene andi higithogo hilingitep halok he, hit he, an nagainafuri hinale'ma kenghogo wokhinabigin o. Afuni kweangma mene mondogat he, inebe an mene. Meneat he, hirenek he, hinebe an nendawinggen hundik mene hilinglasimbik

AMSAL 15:1

Wenagisugu halok, onggo inane liokhogo yagaisugunem he, ina'mage lek agarek, oba nen onggo lagokhogoat yagaisogoin halok ina'mage lagaikherek.

AMSAL 18:23

Ap enggi lek mene nen he elagaik aneba kinoterek, oba nen he ap enggi werek mene nen he inane onggo haferogo yagaisagarek.

AMSAL 25:15

Afuni inobabut sebela'luk inane fano o lioksek oba agarek mene andi re, iren agarek mene re ap hokho inaben ogore eberogo anggigik, nen yi wene ti wene inoba wagu mene omanogo re mondogat leget figik, u hagat.

YESAYA 30:10

Iren ap nabi inoba ikhi logolik he, ”Hinambe te'me'ni! Hiren nit ninoba wene eberogo wene andoma yaganisa fuk, oba nen he niren ninamolo anggogorek mene andoma nek holhi logogun. Nit he we yugunat mene ebeti logouwogen he herak ninobagani o.

HAGAI 2:8

Emas inom perak inom o kweangma welagarek mene andoma mondogat he An mene nek.