AYUB 40:9 - Allah Wene Fano Wene Hupla Inane

⁹ An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

AYUB 40:9 ပူးပေါင်းရင်းမြစ်များ

AYUB 23:6

At ebe along welagarek a'nogo an noba herogo sagali i wesigin a? Lego! We an nane ugu mene At esanggo holigin anggikhi lagi o.

AYUB 37:2

Hit afuni mondogat yoma sani, At Allah ane igik, At ambelema nen subukhogo wulabi wagik, hilingiri'lago andi holini!

AYUB 9:4

At Allah andi re hebelek mondok logolik along werek agun hilingi'mo re, ap sa hagen, At ane sagalogo fulugen eluk mondok logou hak nogo?

MAZMUR 29:3

Tuhan ane re i laut agum oba nen ili'logo, Allah andungdang werek mene a'nogo ane re i laut hokho talek mene agum oba andoma nen supuk eri'logo.

MAZMUR 29:4

Tuhan ane re omame mondok hokho were'ma, ane pak ugunem inesanggo holharek.

MAZMUR 89:10

I laut yenggele'ma esinggen fonyalik lenggalik wagarekwe andoma re Harenek welagen, ha'labu inailo mene wasi wagarek mene andoma re Harenat abolok leget fikhi lagen.

MAZMUR 89:13

O i elesi higit inom, i ambut higit inom andoma re, Harenat elalogo fesigin. Tom Tabor en inom, Hermon nen inom, Hat hobaget inagaiyegen henu seralhu logolik hawuni watu werek.

MAZMUR 98:1

Wuni. At Tuhan nen elalin hilingisu elo'lek mene hilingiterek andi nen he At obaget wuni ket mene wulagaisogo wati logoni! At onggwarek esin logolik omame werek andiba re, telinaferek mene a'nogo At ebikhit hilinglagama werek.

KELUARAN 15:6

Henupogot neisena, homameba elalin hilingiten, Homameba, selei mene wulil tagalogo inoaten.

YESAYA 45:9

Ap ekhe Walhasikhe ane oak sagalogo hilingiti logolik werek mene re alomat lakhogoin o, at andi re iwak kweang tangge meneba hilingik mene nen ap puguneterek mene a'nogoba ane weak ikherek andi higit werek. Kweang tangge mene omanogo nen ap waruk hilingiterek meneba ikhi logolik, ”Hat he ningginhi lagen?” iluk ekhe ikherek nogo? athe warugen ap puguneterek mene a'nogoba fanorogo pugunetu lek, iluk wene ikherek nogo?

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YEREMIA 50:24

Tuhan ane ikhi logolik, ”Babel, haren he An ninom wal-wal asugun iluk hilingiti lagen, andiba re An nen hele hat hobaget webet hobagagi mene a'nogo honggothogo hilingiti lagenma re a'nogoba ke'nok egen andi o.

YEHEZKIEL 10:5

Kerub andoma inogolabi lambun hugunem abolok he, Allah Omame Mondok Hokho mene a'nogo ane ugunem hangge o senggelek hokho mene a'nogo abel endakwe fikhiren holhi lagaikha.

1 KORINTUS 10:22

Ninoe Enupogot a'mage lagauwageluk hilingiti lago andi nailo. At ninom walhamo re, nit ninomame werek nogo? Elo'lego.