AYUB 40:13 - Allah Wene Fano Wene Hupla Inane

¹³ Inebe warek he kweang habulogo salinabino o. Afuni wa'la'luk lagaikharek oba andoma kwe yagarogo fisano o.

AYUB 40:13 ပူးပေါင်းရင်းမြစ်များ

ESTER 7:8

A'nogo hilingiti logolik he, at Haman ebe endawimo mondok warikhi logolik he onggwaregen he Ester elokhoma aremnogo nen kweangma weing laga logolik he, he Ester en unggum andi legaphogo nobagauwakhogo iluk kino yagati lagaikhe. Oba nen at a'nogo hilingitu kwelek aremnogo re raja awi olulu nen nekhengge oloba kwi lagaikhe. Kwi lagunemen he at Haman a'nogo hilingitunem hasikhesik he raja nen ane ikhi logolik he, ”Nenamene? Aren he ambong si serogo andoma an nelokhe kwe, nonggwarek nawi polmining nagwe inom sebesugun iluk hilingiri'lago a?” iluk isikhe. At raja ane a'nogo isikhesik werek kwelek aremnogo re it ap inouwali waganek mene yabu raja a'ma hilingiti lagaukwa inap omanogo wagaukwasik he Haman eil sali wagaukwa.

AYUB 14:13

An nebe afuni wa'la'luk lagaikhare'ma andoma hinakfanino o. Hat ha'mage lek agi'lek werek kwelek, hawe a'ma hinakfanino o. A'nogo meneat he, hobuk an noba ebesigin oba huli warogo fembik wene wa'ne'no o.

AYUB 36:13

It afuni ineisena tuhan lek mene we yugunat hilingitarek mene nen he ina'mage nek inendawimo wut-warogo fetaluk logolik he, At Tuhan nen unggum inoba fikherek oba nen ogore nit lebetninapni mel agarek lek.

AYUB 40:14

A'nogo eberogoat hilingiten halogenek he, An nen hat yagaheti logolik, Hat honggwarek homameba hebe elok telegendik homame agen o, iluk fogethabigin o,” iluk lagokhogo a'nogo yagatikhe.

MAZMUR 49:14

Afuni inonggwarek inomameba himbirik welagaikharek mene nen, an nen ugunem enek he fano iluk anggagarek mene andi re, a'nogoat wa'laikharek.

YESAYA 2:10

Iren he Tuhan a'mageba nen inom nen At omame mondok hokho meneba nen inom hina'lasugun iluk he, oumokwe helep hokhondek mene a'makwe kwigik, kweang habulogo pogolema kwigik, ugun o.

YOHANES 11:44

Lazarus ebe wa'lagaikhe mene a'nogo eluk a'luk, enggi eisok engga yeligat, elokhonggen su laberegat, wulibi wagaikhe. A'nogo wulibi wagaikhemo, at Yesus nen it afuni andoma welagaukwa mene omanogo yagaisikhi logolik he: ”Ebe kwe loagen, oba engga su mene yelik yoma fikhal feni o,” iluk yagaisasikhe.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.