AYUB 40:12 - Allah Wene Fano Wene Hupla Inane

¹² Afuni inonggwaregen fogerakhigik, inobabut weak welagik agarek mene andi it inebe werek oba andoma nen haren sebelogo fisigik, wulil tagalogo legetfisigik igin halok he, Haren aro.

AYUB 40:12 ပူးပေါင်းရင်းမြစ်များ

AYUB 36:20

Nen it afuni inunggulenu mene omanogo mondogat wolelenggenhogo leget fisouwogen he o weak-weak huba'nik agwi, iluk hagaiyek oba ebeti logogin lego.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

MAZMUR 94:2

Hat hebe menla'luk he afuni mondogat o kweangma werek mene yoma nen, it foget fakhaluk hilingitarek mene andi iren hilingiri'lagwi higithogoat ambisangma wene inoba fein o.

AMSAL 15:25

Tuhan nen ap legeisogo fakhagarek mene andi inawi re talorisagain, oba nen, he sogwe mene anggweang he Aren mondok-mondok logouwageluk hilingisogo fagain.

PENGKHOTBAH 11:3

Nen, ohena higet hikheresik meiso pogoroba nen pelabi wagarek. E sanokhogo afe halekwe a'nogoat lagaresik, sanokhogo lagarek oba aremnogoat hulamberek logolik welagarek.

YESAYA 10:6

It afuni An nagainafuri mene An inambot wo'ne'luk lagaikharek mene inom, na'mage kwelafarek mene inom andoma inoasuageluk An nen Asyur lakfei wesigin o. Nen, afuni An nunggulenu mene andoma inangge hugul heligik, hinakhigik, nen kweang age ebekhe kwe were'ma sebelisagarek hak, sebelisigik, hilingisuageluk An nen Asyur lakfei wesigin o,” ikhe.

YESAYA 13:11

Tuhan nen ikhi logolik, ”An nen kweangma weak hilingiri'lagwi mene inom, nen it inaniniba hilingiri'lagwi mene inom onggo re unggum wogisagain o. Ap winik wonok ili'lagwi mene inebe lombok sebelogo fisagain, nen ap leget fakhili'lagwi mene inom, wonoget fakhili'lagwi mene inom he an nen wene inoba fagainat.

YESAYA 2:12

Linggene andi sambul he, Tuhan Mondok Omame werek mene a'nogo nen he, ap inonggwaregen leget fagarek mene andi sebelfisigik, afuni winik wonok agarek mene inom, legeisogo fakhagarek mene inom he, unggum wogisigik, igin.

YESAYA 22:19

Nen haren a'nogo hilingisigin andiba re, An nen hat heabu hilingiti lagen mene legetfigik, hat mene pangkat lego welagen meneba nen pelakhobagagik, igin o.

YESAYA 23:9

Tuhan Omame Mondok Hokho mene a'nogo nen wene andi hilingisigin iluk Arenat sikhiphogo ikhe. Aren he it inenggingge helugu meneba wonoget fakhagarek mene inom, afuni o kweangma kaindek welagaikharek mene inom, seberogo fisagarek awene andi wurep kobokhogo huli andiba leget fisagain anggikhe.

YESAYA 63:3

Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.

YEREMIA 48:29

Hit he, mondok winik-wonok ikhi lagep! Hiren wonoget fakhigik, hinendawimo leget fakhigik, hinane elabin polok igik, ikhi lagep mene andoma re An mondogat nelu welagi o!

DANIEL 4:24

Hat habikanggo yethegen andi ebe inom, Allah Enupogot mene nen noe hat hebe hilinghabigin mene faget wene ero ikhe mene ebe re yi'nogo:

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

DANIEL 5:20

A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.

ZAKHARIA 10:5

Afuni Yehuda mene re, ap inomamerogo weim yafarek mene inaselei mene fesi ebe khalem sebelisagarek hakhogo sibil-sebelisambik, inomame asugun. It he, An Tuhan nen leberisugunem he, iren inomamerogo hilingiti logogun. Nen, iren inaselei mene esa wam kuda amboloba lagaluk lagaikharek mene omanogo mondogat inomame leget fisikhi logogun.” iluk ikhe.

MALEAKHI 4:3

O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

1 SAMUEL 2:7

Nen, Haren, afuni inenggi lek hilingisogo fisigik, nen inenggi werek hilingisogo fisigik, egendego. nen, it ekhe sebelfisigik, ekhe legetfisigik, egendegaro.