AYUB 40:11 - Allah Wene Fano Wene Hupla Inane

¹¹ Afuni ekhe inonggwaregen fogerakhili'lagwi mene andoma heilenggenat yerisaluk, ha'mage het-pethogo inenggali warogo seramet fisano o.

AYUB 40:11 ပူးပေါင်းရင်းမြစ်များ

AYUB 20:23

At alabutmo kwalikherek mene faget aseng-seng paseng-senghogo hilingitu sambul aremnogo re, At Allah nen anini at oba fikhesik he unggum wogete.

AYUB 21:30

Iren ikhi logolik he, ”At Allah nen unggum inoba fagain sambul andi re ap kwanirogo hilingitarek mene re mondogat inagap telinabigin.” ikhi lagep.

AYUB 27:22

Endawirati'lek a'nogo oba asi wagunem, ningginik-ningginik koma hina'lasi lak iluk he leil warik nikherek.

AYUB 4:9

Afuni weak hilingitarek mene andi re, Allah a'mage inoba fuluk inebe alomat fisigik, eleage ambisang elema nen furogo inebe legetfisigik, ikherek o.

AYUB 9:5

Afuni inonggot werek kwelek At Allah nen enek o tom oma hambokhogo ale'ma fei laluk, a'mageba enden-fenden isikherek.

MAZMUR 144:6

It haselei mene pugulik-pagalik uageluk Hat hangge eilabut yegelogo lakfei me o, it inebe hesangge pesangge asuageluk handok pisingerisan.

MAZMUR 94:2

Hat hebe menla'luk he afuni mondogat o kweangma werek mene yoma nen, it foget fakhaluk hilingitarek mene andi iren hilingiri'lagwi higithogoat ambisangma wene inoba fein o.

KELUARAN 15:6

Henupogot neisena, homameba elalin hilingiten, Homameba, selei mene wulil tagalogo inoaten.

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

YESAYA 2:17

Ap inonggwaregen foget fakhagarek mene re sebelfisigik, wonoget fakhagarek mene re pelakfisigik, igin. We, At Tuhan amunek legeisogo fikhi logogin.

YESAYA 22:19

Nen haren a'nogo hilingisigin andiba re, An nen hat heabu hilingiti lagen mene legetfigik, hat mene pangkat lego welagen meneba nen pelakhobagagik, igin o.

YESAYA 23:9

Tuhan Omame Mondok Hokho mene a'nogo nen wene andi hilingisigin iluk Arenat sikhiphogo ikhe. Aren he it inenggingge helugu meneba wonoget fakhagarek mene inom, afuni o kweangma kaindek welagaikharek mene inom, seberogo fisagarek awene andi wurep kobokhogo huli andiba leget fisagain anggikhe.

YESAYA 25:11

Afuni andoma mene re inenggi langhogo aben i kume louwogeluk hilingitarek hak hilingisugun. Oba nen he Tuhan nen it wonoget fakhagarek mene andi inoba nen sebel fisamo re iren hilingisu elo'lek enek asigin.

YESAYA 26:5

At Tuhan nen he ap winik wonok agarek mene re sebelogo fisigik, Aren it inawi kota helep oba tik ninghogo wurogo liabek mene re meisak langgukhogo kweang inom higiret figik, ikherek.

YESAYA 42:25

Andiba re At a'mage mondok hokhorogo ninoba figik, weim mondok inailo mene yafi logolik, ninoatunem heinet watik, ogorek mene andi re, futfouwagaluk hilingninaferego. Yi mene ti mene endu nen ninggerek andi hak, Allah a'mage nit afuni Israel mene ninoba fikherek andi. A'nogo meneat he, niren wene a'nogo hilingninaferek mene andi re, fanorogo futfigik, yanggulhik, ogorek mondok lego.

YEREMIA 48:29

Hit he, mondok winik-wonok ikhi lagep! Hiren wonoget fakhigik, hinendawimo leget fakhigik, hinane elabin polok igik, ikhi lagep mene andoma re An mondogat nelu welagi o!

YEHEZKIEL 28:2

”Afuni wa'lagaikharek mene yi re, raja Tirus mene oba re yi'nogo yagaom, An Tuhan Lego Mondok welagirek mene a'nogo nen raja Tirus meneba ikhi lagi mene andoma yagaom o, ”Hat he honggwaregen leget fakhikhi logolik an nebe re dewa kembu i laut enggen tulem andoma hurek welagirek mene anggikhi lagen. Fano haren an nebe dewa welagi iluk anggikhi lagen oba nen he hat hebe ap we mene welagen a'nogo ebethano.

DANIEL 4:24

Hat habikanggo yethegen andi ebe inom, Allah Enupogot mene nen noe hat hebe hilinghabigin mene faget wene ero ikhe mene ebe re yi'nogo:

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

NAHUM 1:8

A'nogo logolik At aselei mene omanogo re, i fu hokho mene waga logolik, yi mene ti mene mondogat legabeterek hak mondok weagerogo fikherek. It ekhe inailo legengge At ane sagalfuluk hilingitarek mene re, Aren he wa'lagaikharek meneba ineiloak homokhogo inoatunem wa'lagaikharek.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

ULANGAN 32:22

Endu amulok melang-melang, ninggerek hak, it ina'makwe het-perimbik, nilik huli fem a'ma ma'limaat pigin, yago mene mondogat nagain. Tom ebe ninggi logolik, ero inom mondok tamukhogo nagain.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.