AYUB 40:10 - Allah Wene Fano Wene Hupla Inane

¹⁰ hobuk ane lagokhogo mel yagatikhe: ”Inalilingge wanharek andi hak, haren fogerakhigik, agaugwerakhigik, agarek mene andi likloukhogo hilingfakhigik, ikhigik, in o.

AYUB 40:10 ပူးပေါင်းရင်းမြစ်များ

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

AYUB 39:19

Hat Ayub yi nen wam kuda omame wogotik, su labet fisagarek hak inom esi oroa'ma wulibuageluk wogotik, egendek nogo?

MAZMUR 149:4

At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

MAZMUR 21:5

An neluk logogin iluk kino isikhemo Haren wogetendik, at ebe eluk umur uanhogo logouwageluk hilingfesigin.

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

KELUARAN 28:2

At Harun ebe alonghogo logouwageluk he at asu imam faget mene palino.

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YESAYA 59:17

Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

1 KORINTUS 15:54

Ninebe fili agorek mene yi, fili asigin lek mene labetik, nen, wa'lagorek mene yi, wa'lasugun lek mene labetik, ugun. A'nogo labesugun andiba, wene mel iluk lisu palogo fesukwa mene andi ebe asigin: ”Yi mene ti mene haumhogo nenggarek hak, At Allah omame asimbik he, wa'lagaikharek ero andi, legetfisagain o.”