AYUB 4:8 - Allah Wene Fano Wene Hupla Inane

⁸ An nelu re, afuni nen yabu waganogo, awi weak mene yatunem, hobuk ebe weak meneat tatik, palhik, agarek hak, weak hilingitunemat wene weak mene inoba agarek andi, nelu o.

AYUB 4:8 ပူးပေါင်းရင်းမြစ်များ

AYUB 15:31

Aren we elama meneba endawinggen tibet fuluk logogin halok he, at ebe onggwaregen lalogo fakhagain andi, nen aren onggo ambisangma helagain mene ogore at oba agu mene ekhe logogin lek.

AYUB 15:35

It he weak mene nek inelokhomarogo hilingitu logolik he, weak mene andi inalabutmo su kwalogo werek. Nen inendawinggenma re weak mene andi nek peterek logolik werek,” iluk isikhe.

AMSAL 1:31

Hit hinobabut a'nogo hilingiti lagep andiba inom, weak mene hilingisuogoluk hinendawimo ebeti lagep andiba inom, hinobabut oba weak mene hinoba asigin andi.

AMSAL 22:8

Ap awi weak mene yasigin halok he ambisangma re enggen weak meneat paligin, hobuk at omameba yagaisikhi logombigen mondogat legasigin.

YESAYA 17:11

Oba nen he, awi yago mene andi pikhit fulelogo wilifi logolik henggi yasigin sambul andiat owil isigin oba nen he, enggen fanorogo isigin lek. Logogin mene re we inelagaik logolik anggolo hagarek mene inom nen inendawimo ou enek hugu welagaikharek mene inom andi nek logogin.

YEREMIA 4:18

Yehuda ahwi, hat honggwaregenat enggin hokho mene andi hoba fakhegen o. Hat hobaburigiba inom, hobabut hilingiti lagen oba inom yi enggin ti enggin hikhi lagen andiba re hendawinggenma taunget hiili'lago andi o.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

2 KORINTUS 9:6

Wene andi faget igin yi hinendawimo futfeni. It afuni ekhe nen awi endephogo yari'lagwi mene re, enggen endephogo palugun o. Nen, it ekhe awi hokhorogo yari'lagwi mene re, ebe hokhorogo palugun o.