AYUB 39:5 - Allah Wene Fano Wene Hupla Inane

⁵ Wam keledai maro enggama mene yugunat nikhi logouwagaluk hele warek were'ma sa nen fikhalhikherek nogo?

AYUB 39:5 ပူးပေါင်းရင်းမြစ်များ

KEJADIAN 16:12

A'nogo takhagain meneat he, heak andi obabut he, wam keledai enda'ma mene obabut weak mene hangge logogin o. At he, ogogwi agoromi mondogat inom mondok heksek were'ma, afuni inebe lombogen at wasuogeluk igik, aren inebe lombok inoasigeluk igik, inom mondok weak logogun o,” iluk yagatikhe.

KEJADIAN 49:14

Nen, hat Isakhar hobabut he, wam keledai omame hokho mene obabut hangge o. Sunggwe mul ugu mene wam keledai amboloba nen kologo fena-fena pelafunem abolo'lek wengik welagarek hak logogin.

AYUB 11:12

Wam keledai maro mene agaisa nen eak eil kuluk mene tasumo nek he, ap kembu mene ogo hebelek mene asu hak.

AYUB 24:5

Andiba re ap enggi lek mene a'nogo re wam keledai maro mene nen o leimo engga filikwe omanogo nunggu mene faget he andoma nek were'ma heratarek higit, it inagainafuri inamburu nunggu mene faget herarik nikho.

AYUB 39:10

Sapi maro mene andi nen, heabu wokhobagauwageluk, yaburigeba hele homagaisogo fuluk, hane ninghogo yagasu hak nogo? Aren kweang enggen talelhesuageluk yagasu hak nogo?

AYUB 39:4

A'nogo tagaisogo fisikherek oba, o leimo afuni le'ma andoma arat inalue agik, inomame agik, agaresik hobuk inagaisa oba wagaikharek mondok lek andi.

AYUB 6:5

No keledai re engga ket lagagu mene wogosumo re oba homo u hak, andi hakhogo re no lembu andi ogore nunggungge wogosumo nek he oba homo u hagat andi.

YESAYA 32:14

O istana raja awi sili a'nogo herakfisamo re, o kota eroma anggiluk hilingi'mo omanogo re mondogat tiring-tereng igin. Afuni mondogat inareng legasugun. Punukwe inom afuni ineil welagaikharekwe legoma omanogo inom he sebelogo inenggi mondok-mondok faget kweang inom misik higiret fagain. Keledai maro mene omanogo inom domba inom he kwe andoma nikhi logolik engga ninggi logogun.

YEREMIA 14:6

Tom alonggopma andoma re keledai eil polok mene mendek werek, engga legen he eil elagaikhogo werek, at he no serigala nen hilingiterek hakhogo nobong-hobong enggeri'logo.

YEREMIA 2:24

lagaresik, o leimo afuni inareng le'ma andoma lagarek. Lagaresik, alele fi'luk ai waluk herarik lagunem ai nageluk a'mage het-het hilingitunem he fak fou elo'lek agarek. Alele fiterek sambul a'nogo re ekhema-ekhema at elokhe hangge nek welagarek, ariginik nugunem ai mene nen he segetlekhogo ai ninggerek. A'nogo hilingiterek andi hak, hat he a'nogoat hilingiti lagen o.

DANIEL 5:21

At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.

HOSEA 8:9

Linggene keledai maro mene nen kwanit hikherek hak Israel mene re inendawimo nen anggaluk enek hilingiri'lagwi. Iren he Asyur en lebetninabuageluk heraginabik lili'lagwi, nen inunggulenu amu mene inoba ninom sebesuogen iluk onggo palinabi'lagwiat.