AYUB 39:11 - Allah Wene Fano Wene Hupla Inane

¹¹ Haren he, At omame mondok hokho, iluk anggaluk, heabu enggin weak mene aren hilinghobagauwageluk enggiba fou hak nogo?

AYUB 39:11 ပူးပေါင်းရင်းမြစ်များ

KEJADIAN 1:26

Hobuk Allah nen he, mel isikhe: ”Niren afuni nit ninebe higit, ninobabut higit ekhe elal inabuogo. A'nogo elalogo fisamo iren, yi ikan ti ikan i laut yenggele'ma logogin mene inom, yirue-tirue pogot ebene tarogo nikhi logogin mene inom, yi mene ti mene eil ena mene eil polok mene ebe hokhondek mene inom magendek mene inom, kweanggwe pololangerik nikhi logogin mene inom, mondogat it inenggiba logouwageluk elalinabuogo,” iluk isikhe.

KEJADIAN 1:28

A'nogo elalinafikhesik, Allah nen fanot fisikhi logolik, mel yagaisasikhe: ”Hiren taginabugun mene o yi awi ti awi eise asimbik it inenggiba logouwageluk, hinebe hokhorogo sik-pik ikhi logolik yi ikan ti ikan inom, yirue-tirue inom, yi mene ti mene ekhe eil ena mene ekhe eil polok mene mondogat hit eise logoino o.

KEJADIAN 42:26

A'nogo yagaisasikhemo at Yusuf en ogogwi omanogo gandum onggo palhukwa mene omanogo wam keledai amboloba liakfesukwasik lagasukwasik he, o omanogo nen wulipluk wagaukwa.

KEJADIAN 9:2

Yirue-tirue inom, yi ikan ti ikan inom, wam, paik, yi mene ti mene enggi lek werek mene inom, mondogat hit hinenggiba were'ma, hirat inailot hinafi logouwago.

AYUB 39:10

Sapi maro mene andi nen, heabu wokhobagauwageluk, yaburigeba hele homagaisogo fuluk, hane ninghogo yagasu hak nogo? Aren kweang enggen talelhesuageluk yagasu hak nogo?

AYUB 39:12

Nen, haren he, yi mene ti mene yakfegen mene enggen palek waluk we'luk, e enggen sagalogo folhendek oba andoma aren andogorogo hobagauwagaluk enggiba fouhak nogo? Elo'lego.

MAZMUR 144:14

Nit ninanggo sapi andoma mondok hokho pokhorogo saga ikhi logolik, ekhe longgo igi'lek, eagwi ekhe alabutmo nen, eagwi ekhe alabutmo nen perelogo lek agi'lek logouwak. Nit ninawi kota amdoma nen ebekhe kwe andoma enggin-fenggin hikhi logolik heinet ekhe wati logogun hanogo.

MAZMUR 147:10

At Tuhan amolo re kuda omame welagarek andiba re lek, nen it ap sikhe fisogo mene inambong siserek inap andoma inoba re legat.

MAZMUR 20:7

At Tuhan nen ap raja wenagaisogo fikhe mene a'nogoba alonget fili'lago mene andi re yogondak an arat nelu ari'lago. At Tuhan ebe pogoroba mondok fanoma omanogo logolik onggo yagaterek, nen At Tuhan nen at raja a'nogo omamet fugunem mondogat along ari'logo.

AMSAL 14:4

Wam lembu lek logoumo nen he yabu yagaisogo enggen palu lek hak, oba nen lembu omameba yabu wanhunem enggen palek kabok lagaikherek andi.

YESAYA 30:16

Hit he selei mene inenggimo nen hinangge kuda ba heise weak-weak longgo ugun mene a'nogo faget enek yi'nogo hilingisugun-ti'nogo hilingisugun iluk lenggalhu mondok welagep. Andi re fano! Eberogo nen hit hobuk uwaregat logoin! Hiren wenggel hikhi logolik he hit hinangge kuda andi re eisok a'ne weak lili'logo anggikhi lagep oba nen he, it ekhe nen mukhinarek logoin mene andi re ineisok a'ne mondok weak mene nen mukhinarek logoin o.

YESAYA 30:6

Tuhan nen wam higit mene abel selatan fikhit weregengge andoma faget he yi'nogo uageluk ikhe, ”Ap yonggo lakfisagarek mene andoma nen keledai inom, unta inom amboloba re inangge yi mene ti mene inagaiyekhogo iluk wogisagarek mene omanogo liak fuluk waluk he o inailorekwe inom, nen kisu aik palinaferekwe inom singa werekwe inom, nen kisu racun mene werekwe inom naga agerabul werek mene werekwe inom, andoma logoin o. Laga logolik he hinagaiyekhogo iluk mene andoma re iren inunggulenu it leberisa elo'lek mene andoma inoba wogisa logoin.

YESAYA 46:1

O Babel mene inandugwi kembu Dewa omanogo legasigin oba arat asi waga, attak he kembu Bel inom Nebo inom apne wanhi lagaukwa, oba nen yogondak he tugwi kembu iren apne wanhi lagaukwa mene omanogo wam omame lek mene amboloba waluk loageluk liakfugunem he enggin oba fikherek.

BILANGAN 23:22

Allah nen, it o Mesir en woginarek wulibi wagasik, At obabut sapi aik anini weak mene hangge logolik, it werekwe a'luk inaweim yaferek o.