AYUB 38:28 - Allah Wene Fano Wene Hupla Inane

²⁸ Meiso eisena tatikhe mene werek nogo a? Nen, lilengge eisena sa nogo?

AYUB 38:28 ပူးပေါင်းရင်းမြစ်များ

KEJADIAN 27:28

Allah nen he, lilengge pogoroba mene pelakhesi wagik, heabukwe muli mondok wokhetik, sumburu gandum mene inom, i anggur enggen amusu inom, mondok hokhorogo oba heilarogo wokhetik, ikhi logouwago.

KEJADIAN 27:39

A'nogo yagati lagaikhemo, hobuk at Ishak en he, mel yagatikhe: ”Hat faget he, lilengge pogoroba nen he, pi waga logoinogo o. Nen, heabukwe kweang fano muli aga logoinogo o.

2 SAMUEL 1:21

Hat tom Gilboa nen, an nane ikhi lagi mene yi hesanggo holin o: Meiso nen inom, henanggalugen inom hoasi wesi nogo. Heabukwe inom, hawi leikwe inom, mondogat iringisogo puk logouwak. O andoma re hun ilil-mulil en aselei mene inandok inoasi wesinogoluk ma'murogo laga lagaikhengge a'nogore andem salenggare'ma o. Nen hun Saul en tok ma'mungge a'nogo amusu warek le'ma ibeti logolik werek oba o.

1RAJA-RAJA 17:1

A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.

AYUB 29:19

An he e muli fanorogo wilipluk, omanggen oba amusu were'ma enggibene inom lilen waterek a'nogo hakhogo hilingik welagagi.

AYUB 36:27

At Allah nen enek i o kweangma yoma nen waluk lagaluk ohena hilingfikherek, oba nen ohena a'nogo agamhogo i tep-tebengge a'luk meiso pelabi wagarek.

AYUB 36:28

Ohena hikse'ma omanogo nen Aren meiso afuni inoba kweisalogo pelabi wagarek.

AYUB 38:8

I laut yenggelek mondogat kweang elema nen wulibisogo yenggelhunem, i ele'lagat oba heilanghogo wulibinogo iluk sa nen sa'lip warogo fesikhe nogo?

MAZMUR 147:8

Arenat ohena oba pogot salogo figik, kweang faget meiso fougetik, tom-tom mondogat engga wulibuageluk hilingisogo figik, ikherek.

AMSAL 3:20

At elu mondok welagarek mene andiba re kweang kagalogo kweang a'ma nen i elesi fulogoumhogo liabi wagik, ohena pogoroba nen meiso kweangma pelabi wagik isikhe.

YEREMIA 10:13

We aneba nek hilinglame ugunem, i huli-huli warek mene a'nogoba nen i eindep ane mimi isikhe. Kweangma unggut-unggut andoma Aren ohena lakfei wagarek, nen Arenat meiso anggelek elekwe eilabut kulunghogo lakfikherek, nen sogoi re Aren obalik warogo fisogoba andoma nen lakfei wagarek.

YEREMIA 14:22

Ap inunggulenu mene inanggembu dewa nen he meiso kweangma pelabi wesu lek hak, Nen, pogoren ogore at onggwarek omameba meiso pelabi wesu lek hagat. We Hat hamu nek he nit ninendawinggen hoba eberek welago mene welagenma re, Haren hilingitunem enek he andoma mondogat hilinglagarego.

YEREMIA 5:24

An nen meiso noageluk eroraterek oba andoma ogo, ambisangma palasi lagarek huli ogo halogo figirek. Nen An nenat tahun hundik-hundik andomaba hit nunggu mene faget enggen isuageluk wokhisikhi lagiba nen he hiren An esinet nobagaluk fogetnafu aple faget ebethikhi lagep legat andi o.

HOSEA 14:5

A'nogo yagaisasigimo, nineisena Tuhan nen he mel ikhe: ”An nagainafuri nane sagalogo hilingiti lagaikha mene andoma, An nen hobuk it inoba na'mage het-pet igin lek andi nen he, inambotkwe woginarek wesimbik, nendawinggen oba nenat nendawirinabigin o.

YOEL 2:23

Hit afuni o Sion mene yi, An hineisena Tuhan Allah nobabut fano nen fanothinafi andi nen he, hinendawimo hinagaiyegetik, fogerakhigik, ikhi logoni o. O engga lologo pikherek meneba asi wagunem andem he meiso higithogo wokhisigik. O sogoi lagagu meneba asi wagunem andem he An nen meiso higithogo pelakhisa wagik. Nen, enggen itu sambul meneba asi wagunem he attak wokhisikhi lagagi hakhogo wogisigik, ikhi logogin o.

AMOS 4:7

Hit hineabukwe yi mene ti mene awi yatu mene enggen oan palhi'le'ma sawet asuageluk An nen meiso pelabi wagi'lek kwe pal fikhi lagi. An nenat meiso o kota ekheba pelabi waga logolik, kota ekhema re herakfisikhi lagi. Nen hit hineabu kwe andoma re, ekhekwe meiso pelafu kwelek, ekhema re meiso pelabi wagi'lek kamo ugunem kweang mondok iringik weak agik, ikherek andi.

ULANGAN 33:13

A'nogo yagatikhesik, it afuni ap Yusuf en tagongge mene faget, wene Allah mel yagatikhe: ”Meiso pogoroba nen inanggweang oba sakhot fei pi wagik, i elesi kweangma nen liagisa wagik, ikhi logoino o, neisena.

ULANGAN 33:28

Hit ap Yakub en tagomangge mene yi, hobuk o fanoma hinabolo'lek logouwageluk, meiso pogoroba nen pelabi wagunem lilengge nen kweang minyeratunem, gandum inom, anggur enggen amusu inom, hokhorogo were'ma logolik, fano lioksek mondok logoino o.