AYUB 38:22 - Allah Wene Fano Wene Hupla Inane

^22-23 ”An nen o salim agunem, afuni weim yabi lagik, yabi wagik ikhi la'luk, meiso sogenggen mene inom, meiso henanggulok hangge enu salju inom, nunggunem, yi mene ti mene andogorogo figirek kwe andoma obalik heilenggen halagendik nogo a?

AYUB 38:22 ပူးပေါင်းရင်းမြစ်များ

AYUB 37:6

At ane miming oba re meiso es mene kweangma pelabi wagik, At ane yonggoba re meiso sogenggen hokho mene pelabi wagik, ikherek.

AYUB 6:16

Hit he i lagu agai meiso es mene oba fugunem haro a'luk lagi'legengge abolok lek werek. Nen, o hibi lagagunem es a'nogo yenggele'ma omanogo nen obuluk seleksek legengge mondok firitok-firitok lek agarek. I a'ma ma'lima nogo inom mondogat firitok ugunem obuluk enek hilinglagarek andi hakhogo re hit a'nogoat welagep.

MAZMUR 135:7

O kweangma unggut-unggut andoma nen he ohena mimingitunem eilabut yegelogo o meiso lakfei wagarek, nen Aren o sogoi andogorogo fisogo werek oba omanogo nen wulibi wesuageluk mimingiterek.

MAZMUR 147:16

Aren he meiso sogenggen es mene domba esi kut andi hangge pelabi wagik, nen lilengge logoum-logoum waregengge wul hangge pelabi wagik, ikherek.

MAZMUR 147:17

Aren meiso sogenggen es mene re helebenggen hak mene pelabi wagik ikherek. A'nogo hilingitunem he aigengge andoma nen hambuk haluk logou re mondok elo'lek.

MAZMUR 33:7

I laut yenggelek mene andi re misi'mo andogorogo fesikhe, i agum yagamakhogo yenggelek mene andi re Aren helage palogo yagat fesikhemo werek.

KELUARAN 9:18

Hobit hubet ya ha'ma, An nen meiso sogenggen es inailo mene o Mesir yoma endamen huli yogondak huli ekhe ninggerek mondok lek mene hinoba lakfei wesigin o.

YESAYA 30:30

Tuhan nen ane mondok omame mene a'nogo holuageluk hilingfoumo re afuni inebe lombogen elalinhogo ugunem holhi logogun, At anini re endu nen o hali ninggerek hak hilingiti logolik he, meiso hokho mene inom, meiso sogenggen es mene inom, sogoi sielu mene inom lakfei wesumo re, mondok elo'lekhogo hilingitunem hogoin.

YEHEZKIEL 13:11

Hit nabi lalinafi lagep mene yoma sani, hit hinaleget pa'leget waganek mene andoma re sogoi sielu nen inom, meiso sogenggen es mene nen inom weagesi wesumo re,

YEHEZKIEL 13:13

Tuhan Lego Mondok welagarek mene a'nogo ane ikhi logolik, ”An na'mageba, leget pak waganek mene andi lilibukhogo feigiluk he An nen sogoi sielu inom, meiso sogenggen hokho mene inom, meiso es mene inom lakfei wesigin.

YOSUA 10:11

A'nogo mugisugunem, afuni Amori mene weim heise hina'lasuogeluk tom oba nen alema pugu kwelek, Tuhan nen meiso sogenggen hokho mene pogoroba nen pelakfei wagaikhemo, inoarik-inoarik huli o Azeka huli andoma fisa lagaikhe. It inebe ap Israel mene nen inoatukwa mene re we endebat hangge meneat he, meiso sogenggen nen inoatikhe mene nek he mondok hokhorogo inoatikhe.

WAHYU 16:21

pogoroba nen meiso sogonggen hokho mene ebe lombok enggin he, 50 kilo mene pi waga logolik, afuni inebe inoatik, ikhi laga. A'nogo inoatunem, iren ikhi logolik he, ”Meiso sogonggen weak ninoari'logo yi re, Allah ebe ninggin la'lep he,” iluk enu weageratoat welagaikha yerisigi.