AYUB 38:17 - Allah Wene Fano Wene Hupla Inane

¹⁷ Afuni ekhe nen, afuni wa'la'luk lagaikhare'ma o mum mondok hik-hakse'ma kwe ambe pale'ma andoma yagahetukwa mene ekhe werega?

AYUB 38:17 ပူးပေါင်းရင်းမြစ်များ

AYUB 10:21

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.

AYUB 11:8

At Allah omame andi re o pogot koloma werek mene andi horok a'ma hak werek kwelek he mondok lego were'ma re, haren huli-hulimo andoma halamo re elo'lek. At Allah omame andi re afuni wa'la'luk lagaikharek oba andoma re horok ambolkwe hak oba nen he mondok elonggoma ma'lima hilingi'mo re, haren yi'nogo hilingik iluk futfou lek hak.

AYUB 12:22

Aren he, obalik mondok hikhaksekwe omanogo selegetfigik, mumeak mene nen sebelekwe omanogo ombak-pageratik ikherek.

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

AYUB 3:5

O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

MAZMUR 107:10

Afuni andi it ekhe nen he, Allah awe a'ma logogun ninabit, iluk Tuhan Allah Lego Mondok werek mene a'nogo nen he, ”Yi'nogo hilingiti logoino,” isikhe mene a'nogo inendawimo serametfikhi lagaukwa andi nen inenggi posiemanggen heleba warogo fisasukwama heinet watu logolik hele warek o mum oba andoma welagaukwa.

MAZMUR 107:14

Aren he it inebe o mum oba omanogo nen inom posiemanggen meneba homago mene omanogoba nen inom, hele fikhalogo wulakfisa waga lagaikhe.

MAZMUR 107:18

Iren sumburu yi mene ti mene nunggu aple inendawimo hebak lekha wagunem logolik, it inebe wa'lasugun mene horogat agunem welagaukwa.

MAZMUR 116:3

Paik hele fugunem ke'nok ikherek hak, an nebe wa'lasigin horogat agunem, na'manggen mondok hokho mene laluk, nailo nen nendawinggen firogo welagi.

MAZMUR 23:4

An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.

MAZMUR 9:13

A'nogo hilingiti logogun andi re, it inoba yi enggin ti enggin hikhi logolik were'ma inom, yi ou ti ou hikhi logolik were'ma inom Aren inoba onggoragi'lek eberek mondok werek andi nen, it afuni ina'mageba hilingitarek mene andoma re Aren unggum wogisikherek.

AMOS 5:8

Nineisena Tuhan nenat, hesagalenggen pogoroba elalogo fesikhe, hesagalenggen andi enu Belantik inom, Kartika inom, elalhikhe. Arenat o mum mene lia hilingisogo figik, o linggene mene hubanggo hilingisogo figik, i laut hokho yenggelek mene kweisalogo kweang ambuema hukhigik isikhe andi. Nen andoma mondogat hilingitikhe mene andi ebe re At Nineisena Tuhan amu nenat hilingitikhe.

MATIUS 4:16

O mum oba welagep mene andi, o seleget hinabigin mene hokho mene ekhe hegebo. Hit o andoma wa'lasuogeluk hinoba mum asumo, seleget hinabigin mene ekhe waga andi o,” isikhe a'nogo higithogoat hilinglasuageluk Yesus andoma lagai wagaikhe andi.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.