AYUB 38:15 - Allah Wene Fano Wene Hupla Inane

¹⁵ It afuni ineisena Allah an heraknobagaluk weak hilingitarek mene andi, o linggene lia mondok agunem he, inobabut weak hilingitarek mene andi hilingisu elo'lek agarek.

AYUB 38:15 ပူးပေါင်းရင်းမြစ်များ

2 RAJA-RAJA 6:18

A'nogo yerisasikhesik oba nen ap Siria mene omanogo arat inoasuogoluk kwi wagunem he, at Elisa samban mel isikhe: ”Tuhan neisena. Ap andi ineilenggen mum hilingisogo fisan o,” iluk yagatikhemo, Tuhan nen Elisa ane esanggo holhikhesik he, ap omanogo mondogat ineilenggen mondok mum hilingisogo fesikhe.

AYUB 18:18

O selek oba omanogo nen at a'nogo silogo o mum oba wulak fisagain, ap ineluk logogun oba omanogo nen at a'nogo hambokhogo hugisagainat.

AYUB 18:5

Wene ebe weinamhogo re, ”Ap kwanirogo hilingiri'lagwi mene andi inaesage re ombak-bak eti'lek welagik, nen inagandou amulok he ibilagi'lek welagik, ikhi logogin.

AYUB 24:13

Afuni fenakwe nen he selek a'nogo ninabit iluk he inom selei higit hilingfuluk logolik he, iren at inonggot engge, nen aren kwe yagaisugukwe a'nogo mu'luk lagi'legengge hilingiri'lagwi.

AYUB 31:22

an nenggi nomolo bene tekhogo lakfisogoin fano iluk, fena-fenaat tekhogo lakfisamo re higiro.

AYUB 38:14

Cap hangge kweang abiweak meneba fugunem helal hangge palagik, su siratunem, sirogo hilinglagik, ikherek andi hak, o wei ugunem he, punukwe inom, tonggokwe inom mondok weinam yethagarek o.

AYUB 5:14

O lingge werek kwelek meneat he, it ineilmo re hubanggo higit hilinglagunem he, inenggi ya fak ta fak hilingitarek andi.

AYUB 5:15

Oba nen At Allah nen he, it afuni yi mene ti mene inelagaikhogo werek mene re wa'lasinogoluk telinafik, afuni inawe a'ma sebelek welagaikharek mene it inomame werek mene nen fakfisanogoluk telinafik, ikherek andi.

MAZMUR 10:15

Afuni weak hilingiri'lagwi mene inom, Hat hane sagalogo fuluk hilingiri'lagwi mene inomen, inomame werek iluk hilingiri'lagwi mene andi re Haren it inomame lebeleget fisan o. It inobabut hilingiri'lagwi andiba Haren wene inoba foumo re it inebe ekhe weinam asugun lego.

MAZMUR 37:17

Ap inobabut weak mene inomamerek logolik hilingiri'lagwi mene andi re At Tuhan nen enek inomame leget fisagain o, oba nen he afuni fano hilingitarek mene re inalong palogo ferinarek logogin.

YEREMIA 13:16

Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.

YEHEZKIEL 30:22

An Tuhan Lego Mondok welagirek mene a'nogo nen nane ikhi lagi. An yi re raja Mesir aselei mene welagimo re, An nen enggi pirenet ekhe omame werek mene inom nen somborek mene a'nogo inomat sombologo lakfisagain o.

BILANGAN 15:30

Oba nen he afuni Israel mene misigen he a, nen ap pok mene misigen he a, inelu logoligen weak hilingitu halok he, aren he Tuhan sebelogo fagain. Andi nen he unggum he wene oba fembik ebe pinggi wasugun,