AYUB 38:11 - Allah Wene Fano Wene Hupla Inane

¹¹ A'nogo fesigisik, mel yagatigi: Hat huli yibaat logoino, ela'lagat huli warek werek mene yiba heilanghogo lagai wesigin mondok lek. We, misi'mo logolik, ha'labu aninirogo fonyalek lenggalek huli yi huli hilingiti logoino o, iluk komoratigi andi.

AYUB 38:11 ပူးပေါင်းရင်းမြစ်များ

1RAJA-RAJA 13:28

At ebe lagunem en he nabi Yahuda mene a'nogo warek he ebekhalem aremnogo warek were'ma keledai inom singa inom ogo era'lu aremnogo welagaukwaat. Singa andi nen he, keledai a'nogo ogo ap warek a'nogo ogo senggelinafikhesik nasikhe lek.

AYUB 1:22

Wene enggin hokho mene andi at Ayub oba hilinglagaikhe meneat he, aren weak hilingiti'legat nen Allah oba weaget figi'legat welagaikhe.

AYUB 2:6

A'nogo yagatikhemo, Tuhan nen afuni inendawimo kagalik nikherek mene a'nogo mel yagatikhe: ”Fano. Harenat. Hat hendawimo anggegen higithogo hilingi'nogen iluk, hat henggiba figi. A'nogo meneat he, at ebe mondok pinggi watun o,” iluk yagatikhe.

AYUB 26:10

Aren he mum inom selek inom amu-amu logouwageluk, i laut agum oba huli watfikhemo werek.

AYUB 38:10

I laut yenggelek andi mondogat an nen huli warogo fesigisik, ambe ela'lagat hilingisogo fesigi andi.

AYUB 38:12

Ayub, nailo e. Hat hane misigam ekhe, O wei uagaluk yagatigindik nogo a?

MAZMUR 104:9

I andi hetokhogo, huli warek mene afane wulibinogoluk, ambotkwe lagai waga logolik, kweang sebeli wesinogoluk, huli warogo fesigin.

MAZMUR 124:5

I fu houwakhogo wagarek hak, ninoba sagali i waga logolik, ninebe wo'ninarek lelep mene,” iluk nane wurep waganogo a'nogo ikhi logoino.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

MAZMUR 89:9

Nineisena Tuhan Allah, Homame Mondok Hokho mene, Hat Homame welagen andi hakhogo re ap sa hak ekhe werek? Neisena Tuhan, yi wene ti wene faget Hat he katokhogo nek hilingitu hagun welagen.

AMSAL 8:29

isikhesik, i laut yenggelek huli warek mene ambe heilanghogo wulifi logoinogo iluk yagatik, isikhe andi an neilhanem aro. Nen, kweang tik watikhe andi re an nebe werek kwelegat.

YESAYA 27:8

Tuhan nen againafuri unggum wogisagain he yi'nogo, ”Aren he sogoi timur fikhiren omamerogo funhogo woginarek he ap pok mene inaiba andoma huginabi lagain.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.