AYUB 37:16 - Allah Wene Fano Wene Hupla Inane

¹⁶ At Allah elu mondok logolik elalinhogo hilingiterek mene a'nogo nen hilingfugunem, anggulok selekwe ta'luk lagarek mene andi re hat he helu a?

AYUB 37:16 ပူးပေါင်းရင်းမြစ်များ

AYUB 26:8

Aren he ohenaba i hokho-pokhorogo yenggelogo fesikhe, oba nen he i enggin nen iluk he hena a'nogo fo'lari'lago lek.

AYUB 36:29

Ohena lagarek andoma inom, unggunggu Allah ebe welagarek oba nen suphogo lagarek mene andoma inom he afuni nen futfou hak mene ekhe werek lek.

AYUB 36:4

An nane ikhi lagi mene andoma re neranhogo wene ekhe werek fuk, it ap inendawinggen hat hoba tibet fuluk werek mene re hit henelokhoma werek.

AYUB 37:14

Ayub ao, eil misik ya logolik hesanggo holek logoin o, Allah nen mondok elalin hilingisu elo'lek mene hilingite andoma fogesin.

AYUB 37:15

At Allah nen eilabut ohenaba inom anggulok oba inom wialuk loageluk, enegengge hilingfikherek mene andi hat he helu a?

AYUB 37:17

Lego, hat he o kweangma yoma sielu selatan fikhit andoma nen funha wagunem aganhan eterek mene andi faget hoak heinet wati lagen.

AYUB 37:5

At Allah ane miming oba re omame werek mene inom, elalin mene niren futfou elo'lek mene inom, hilingiterek.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 78:4

At Tuhan omame hokho a'nogoba hilingiti lagaikhe mene inom, Aren yi mene ti mene elalinhogo elalhikhe mene andoma inom, At obabut hilingisu elo'lek mene hilingiti lagaikhe mene inom andoma re, nit ninagainafuri inoba nen sebelogo fuluk hinagaisogo fisogo logogun lego. Athe niren he tindelogo yagaisugunem he iren hobuk inagainafuri taginabumo logogun mene inoba ogo fakhogo yagaisikhi logogun aro.

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.