AYUB 32:9 - Allah Wene Fano Wene Hupla Inane

⁹ Ap inendawinggen hebelek mene hilinglagaikharek andi re, it inebe mondok yaman asi lagaikharek andiba re fuk, athe ineluk uanhogo welagaikharek andiba re fugat.

AYUB 32:9 ပူးပေါင်းရင်းမြစ်များ

2 SAMUEL 3:38

A'nogo hilingitu kwelek, at raja nen, it at inom era'lu hophogo lagaikharek mene aremnogo inoba ikhi logolik he, ”O yogondak yi sambul he nit afuni Israel mene ninoba nen ninoe melalninaferek mene misik ekhe kweangma hulambethe andi re hit he hinonggot nogo a?

AYUB 12:20

Ap inane mondok senggerogo nek agarek mene omanogo inambe to'mot fisigik, it ap yaman mene nen hebelogo wenggelharek mene omanogo henogo wanhik ikherek.

AYUB 32:10

Andi halok he an nen ikhi lagi mene yi hinesanggo holini, an nendawimo anggigi mene andi igin nen he fano in iluk yagane'ni.

AYUB 32:7

Wene elonggoma hinago mene re inaluendegen enek yagaisagarek hilingi'mo re, An nendawimo nen he hiren hinane ilep anggikhi lagi.

AYUB 4:21

Inebe a'nogo lek agaikharek andi, inangge yi mene ti mene mondok longgo ikheregat, nen, it inebe inungguloa'ma nen fanorogo wenggelhugu mene a'nogo heligi'legengge wa'lagaikharek andi, iluk yaganetunem nesanggo holhigi,” iluk yagatikhe.

MAZMUR 119:100

An he wene haren tekhogo isigin mene andoma fisogo logolik welagimo re, it ap inaluendegen inelu mene re we sebelek hak hilingik kwelek, an enek he mondok omamerogo futfikhi lagi.

MAZMUR 119:104

Hat hawene melalek andi nen he an mondogat nendawimo hebelek mene hilingnobagagunem he, inobabut mondok hena-hena hilingitarek mene andi re an nen mondogat nabit anggikhi lagi.

PENGKHOTBAH 4:13

Ap enggi lek meneba nen he raja asu hak, ap hele warek werek menere takhta raja hu'lagarek meneba elok hu'lasi lagau hagat. Oba nen he ap raja ebe yaman agunem aben komo wene yagatu mene omanogo holhi' legengge moruerogo hilingitarek mene andi re, ap alage mene ekhe enggi lek oba nen endawinggen kagalek logogin halok fano hak oba nen ap andi nek he mondogat nonghongsek.

YEREMIA 5:5

Arigini'mo re Tuhan Allah nen wene ikherek mene inom, At amolo anggikherek mene inom andoma re it ap inogogwi kaindek andoma nek he inelu werek enggere an nebe it inoba lambik nane masi layok. A'nogoba nen it mondogat he Tuhan nen yagaisikherek mene faget inabit welagik, nen iren Tuhan ane hologo hilingisu inabit welagik agaregat andi.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

YOHANES 7:48

Nit ap Yahudi mene hinogogwi kaindek ekhe nen inendawinggen at oba himbiret figik, nit ap Farisi mene ekhe nen inendawinggen at oba himbiret figik, ugunem ekhe isikhi lageba? Mondok lego.