AYUB 32:8 - Allah Wene Fano Wene Hupla Inane

⁸ Oba nen he afuni inendawinggen kagalek mene wogisikherek andi re we At Allah Areagun Omame Hokho mene a'nogo nen enek wogisikherek.

AYUB 32:8 ပူးပေါင်းရင်းမြစ်များ

KEJADIAN 41:38

A'nogo isukwasik at raja Firaun nen agoromi mel yagaisasikhe: ”At Yusuf Allah Areagun endawimo logolik yagatunem ili'logo andi nen, yabu andi aren higit hilingisigin werek andi hangge ap ekhe hunogoat mene koma mene herasugun anggegep. Mondok lego,” iluk yagaisasikhe.

KEJADIAN 41:39

A'nogo yagaisasikhesik, at Yusuf mel yagatikhe: ”Wene mondogat egen andi Allah nen yagahetemo nen egen o. Ma re, it afuni ekhe inobabut endebat hebelek logolik yi wene ti wene endebat inelu meneat he, harenek he, hobabut mondok hebelek logolik yi wene ti wene mondok helu re, hat aro.

1RAJA-RAJA 3:12

kino yaganeten mene andi, An nen arat wokhesigin o. Hat hendawinggen mondok kagalek logolik, yi wene ti wene enegat futfikhi logoinogoluk hilinghabigin andi hangge, attak hebe ta'lagi'lek oba afuni ekhe inobabut andi hangge wogisigi'legat. Nen, hobuk hat hebe lek asimbik oba, ekhe wogisagain mondok legat. We, hat wokhesigin andi aro.

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

1RAJA-RAJA 4:29

Allah nen Salomo ba endawinggen wenggelek mene inom, elu mondok hokho mene inom, endawimo nen winggil wenggel fuluk hilingitu mene inom faget wogetikhe.

1RAJA-RAJA 5:9

Andi mondogat fouget fembik halok he an nagoromi nen e ebe waluk o Libanon nen he i laut yenggele'ma andoma pi wesugun. Pi wesimbik andoma nen he e ebe heleba erarogo homak fembik i esanggokwe nen he haren o andem waluk we'no igin oba andoma waluk wesugun o. Nen, andoma nen he hele fikhalogore hat agoromi mene nen waluk loageluk inenggimot fisagain. Waluk wagu halok he haren he afuni an nawi silimo yoma werek mene inamburu ninggi logogun mene faget fougeti logoinogen iluk yagaheti,” iluk isikhemo yagasi lagaukwa.

AYUB 12:13

Oba nen he inendawinggen wenggelek mene inom, inomame agarek mene inom andi re we Allah oba nek welagarek. Fanorogo wenggelhalugen hilingitarek mene inom, furogo ebethalugen hilingitarek mene inom andi re At oba nek werek.

AYUB 12:16

At Allah andi re, mondok omame logolik along-palonghogo werek! It ineranhogo wene lalinafarek mene inom it lalogo fisagarek mene inom mondogat he At omame a'ma nek werek.

AYUB 27:3

an nen hombuk palhi lagi andi: At Allah nen set wo'netu were'ma inom, nen an nebe neluk logolik oba andem inom he,

AYUB 33:16

At Allah nen he it inesanggo holuageluk yagaisigik, ane fagisikherek oba youk wulaginafik, ikherek.

AYUB 33:4

At Allah Areagun nen he an elalinafesik he, an neluk logouwageluk Omame Hokho meneba hilingnobagasikhe.

AYUB 35:11

nen yi mene ti mene inom, sue, paik o kweangma werek mene omanogo wenggelhu mene endep hak wogisasikhe oba nen he afuni inendawinggen mondok kagalek mene wogisikherek mene a'nogo oba re weri'lagwi lek.

AYUB 38:36

I Nil andi hobuk hetokhogo lagagin, iluk sue enu ibis andi sa nen yagatunem elu agarek nogo? Nen, o hobuk meiso nagain, iluk sue ayam ap mene andi sa nen yagatunem elu agarek nogo?

AMSAL 2:6

At Tuhan nenat inendawinggen kagalek mene wogisikherek, nen Arenat afuni inelu agarek mene inom, wenggelharek mene inom wogisikherek.

AMSAL 20:27

Tuhan aselek selegerinaferek mene a'nogo nen afuni inendawimo areagun werek mene a'nogo seleget fisugunem he, inendawinggenma mondogat selegerinaferek.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

YESAYA 28:26

At Allah nen yabu yi'nogo ti'nogo hilingitu mene faget mondogat yagatikhemo re, aren ninggi'nogo hilingisigin iluk andi re mondogat elu werek.

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

1 KORINTUS 12:8

At Allah Areagun en, at ekhe wene kagaukhogo ikhi logouwageluk wogeterek. Nen, at Areagun andi nenat, at ekhe yi wene ti wene elu mondok logouwageluk wogeteregat.

2 TIMOTIUS 3:16

Allah ane lisu palek andi mondogat he, arenat inendawimo kagalhikhemo, lisu palogo fesukwa mene andiba, afuni ekhe wene ebe wene yagaisigik, weak hilingitunem komorinafik, inobabut hebelhik, Allah endawimo amolo anggikherek mene higithogo hilingiti logouwageluk komorinafik, ikhi logoino aro.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.