AYUB 32:22 - Allah Wene Fano Wene Hupla Inane

²² An he ap agaukhogo liak fisagarek mene andoma ogore mondok nonggot. Nen an nen a'nogo hilingisumo nen ogore At Allah nen weak-weak an unggum wo'nesu hak.

AYUB 32:22 ပူးပေါင်းရင်းမြစ်များ

AYUB 17:5

Suetninung ekhe ikhi logolik he, ap ekhe an ambisangma helagain anggaluk agailak inom yei liafu halok he, at hilingisigin onggore ambisangma againafuri inoba agunem hogoinat.

AYUB 32:21

Wene yiba re ap tiha-tiha iluk an nen inili waganogo inebikhit asu lek hak, nen ap misik meneba ogo an nen agaukhogo fogerasu lek hagat.

AYUB 33:1

Ayub ao, yogondak he an nen nane ikhi lagi mene yi, hesanggo fifurogo holin o.

AYUB 33:3

Nen, an he nendawimo mondok higithogo logolik nane ikhi lagimo re, an nen ikhi lagi mene yi re wene eberogo mene ikhi lagi.

AYUB 4:17

Afuni Allah eilhanem weak hilingiti'lek ekhe welagaikharek nogo? At Walhasikhe andi eilhanem he fano tegelek mondok ekhe logou hak nogo?

AMSAL 28:23

Ap ekhe nen agailak ekheba enggali warogo yagasimbigen, hobugen he endawi hundik mondok logogin, nen ap legeisogo fikhi logogun mene andi obare endawirogo logogin lek.

AMSAL 29:5

Ap ekhe nen agaila'lak ekhe legeisogo fisagain iluk agaugwerasigin, oba nen he, at onggwaregen yebet fakhagain.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

1 TESALONIKA 2:5

Nit he, ninendawimo nen, yi mene ti mene ninalegat ninoba logoilep, iluk anggikhi logolik, ninaneba nen agaukhogo yagaisikhi lago lek mene andi re, hirogo hineluaro. Nen, Allah eluatma re, arenat: ”Andi eberogoat,” iluk igin andi.