AYUB 32:21 - Allah Wene Fano Wene Hupla Inane

²¹ Wene yiba re ap tiha-tiha iluk an nen inili waganogo inebikhit asu lek hak, nen ap misik meneba ogo an nen agaukhogo fogerasu lek hagat.

AYUB 32:21 ပူးပေါင်းရင်းမြစ်များ

2 SAMUEL 14:17

Noe hat he hebe malaikat pogoroba yonggo Allah nen lakfisa wagarek mene omanogo higit hilingik logolik, kwanirek mene inom, fano mene inom, enekhogo penhikhi lagen hagun welagenma re, an hamingmingengge nen wenggel hikhi logolik he, noe hat heisena Tuhan Allah nen wene wathetikhe mene an yaganeten mene andi re eberogo an hamingmingengge nagap telogo yaganetigin iluk nendawimo eberogo anggikhi lagi. A'nogo ebeti lagimo re noe heisena Tuhan Allah a'nogo nen hat hebe hinom hundik logolik fetharek mondok logouwago!” iluk yagatikhe.

2 SAMUEL 14:20

Oba nen he aren a'nogo hilingite andi re wene werek mene andi ero higithogo pilinglasuageluk hilingite. Noe hat he malaikat pogoroba yonggo omanogo nen hibilik-hebelek logolik fano mene inelu agik, weak mene inelu agik ikhi logolik hilingitarek omanogo hakhogo hilingik welagen,” iluk yagatikhe.

AYUB 13:10

Hiren we linglong Allah ebikhit asumo nen he, At Allah nen hit hinoba unggum mondok weakhogo fou hak.

AYUB 13:8

Hiren At Allah ebikhit a'luk, At along palhi logolik hiren melalu hak nogo?

AYUB 32:20

An nendawimo hambuguakhogo re nane igin fano, an nane wulagaisogo wene onggo yagahisagain fano.

AYUB 32:22

An he ap agaukhogo liak fisagarek mene andoma ogore mondok nonggot. Nen an nen a'nogo hilingisumo nen ogore At Allah nen weak-weak an unggum wo'nesu hak.

AYUB 33:3

Nen, an he nendawimo mondok higithogo logolik nane ikhi lagimo re, an nen ikhi lagi mene yi re wene eberogo mene ikhi lagi.

AYUB 34:19

At Allah nen enek it ap raja inom, inenggi werek mene inom, inenggi lek mene inom, elalinafikhemo re, Aren he it ap raja halok enek inebikhit agik, nen it afuni inangge lek mene halok herakfisikhi logolik he it inenggi werek mene halok enek elokhomarogo hilinginafik, hilingiterek lek.

MAZMUR 82:2

”Hiren wene aiyo wurinafi logolik henarogo weneba tegesu fugo, nen hiren he ap weak hilingitu mene inebikhit asu fugaro.

AMSAL 24:23

Ap inendawi mondok wenggelek mene nen he yi'nogo agarek: ”Ap wene heirogo tegeterek agun nen he it ekhe inebikhit aga logolik, it ekhe mabenet fisikhi logogun lek,” iluk ikherek.

AMSAL 28:23

Ap ekhe nen agailak ekheba enggali warogo yagasimbigen, hobugen he endawi hundik mondok logogin, nen ap legeisogo fikhi logogun mene andi obare endawirogo logogin lek.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

MALEAKHI 2:9

Hiren An nane hologo hilingiti'legengge hilingitik, afuni An nagainafuri wene yagaisikhi logolik, ap inelokhe peninafi lagepma re An nen ogo hit afuni An nagainafuri Israel mene nen hit hinebe sebelhinobagaluk seramet hinobagakhi logouwageluk hilingisogo hinobagagi o,” iluk yagaisasikhe.

MATIUS 22:16

Abok palhi lagaukwasik he, ap it inagoromi inane wanhi lagaukwa mene inom, it ap Herodes werekwe mene inom, Yesus oba wene heinok wanuageluk lakfisa wagaukwama it andi wagaukwasik he, mel yagatukwa: ”Yesus noe. Hat hobabut he, wene eberogoat enek ikhi logolik, Allah endawimo nen, Afuni yi'nogo hilingiti logouwak, iluk anggikherek mene eberogoat yaganisikhi lagen andi nit ninelu o. Afuni inebe hailo legat logolik inelokhonggen oba nek isaluk he, ekhe helokhoma fisigik, ekhe hambotma fisigik, hilingisu lek hak hiikhi lago o.

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

ULANGAN 16:19

A'nogo menfisamo, iren we inendawimo nen anggaluk enek wene tegetik, fena fikhit inebepikhit aga logolik fena fikhit weaget fisigik hilingiti logogun lek. Afuni nen inenggi a'makwe helaluk nenggarek mene andi re ineilenggen puget fisagare'ma re, ap inendawinggen wenggelek mene inom, wene higithogo agarek mene inom oba nen ogo re, a'nogo heluguba wene heirogo palhi'legengge inenggi a'makwe helikhi logogun andi elo'lek.