AYUB 32:2 - Allah Wene Fano Wene Hupla Inane

² Oba nen he andoma ap misik ekhe enure Elihu hun Barakheel amlogo, it inunggulenu Ram meneba nen he hun Bus ambisangma mene andi welagaikhe. At were'ma andoma Ayub en Allah oba hikhip hikhi logolik he at Ayub endawimo nen he an fano hilingiti lagi iluk ikhi lagaikhe mene a'nogo faget, at Elihu a'mage lagasikhe mene a'nogore sebelha elo'lek aga lagaikhe.

AYUB 32:2 ပူးပေါင်းရင်းမြစ်များ

KEJADIAN 22:21

It inebe re inoe manggusa mene enu re Us, nen ombo'ne re Bus inom, Kemuel, Kesed inom, Hazo, Pildash, Yidlaf, Betuel inom andem. At Kemuel andi at Aram eisena welagaikhe, nen at Betuel ebere Ribka eisena welagaikhe.

AYUB 10:3

Haren ebeti logolik he, An nonggwarek nenggi nen elalhi mene ari re enggin-fenggin oba fou higit obaat fikhi lagi iluk anggikhi logolik hilingiti lagen a? Nen it ap weak hilingiri'lagwi mene inoba re Haren fanot fisikhi logolik meneat.

AYUB 15:5

Hat honggwarek hane ikhi lagen mene andomaba re, haweak hilingiten mene a'nogo enek ari'lago andi, oba nen he, hat hane pugun ikhi lagen andiba re honggwarek haweak omanogo sebelogo fakhikhi lagen.

AYUB 22:5

Athe hat haweak hilingiten mene re mondok hokho-pokhorogo were'ma re, hat hobabut inom, hilingiti lagen mene inom, mondok kwanirogo hilingiti lagenma, wene hoba fili'lago.

AYUB 27:5

Arigini'mo re an nen hit eberogo mene iluk u lek hak, an neluk logogin huli andi re an nen weak ekhe hilingiti lek iluk ninghikhi logogin.

AYUB 27:6

An he nendawinggenma nen ogore mondok selekse'ma re, an ogo eberogo anggaluk senek welagi mene andi re a'nogo nek senek mondok logogin.

AYUB 30:21

Haren an noba wiik-weakhogo hilingnafi logolik he, Hat henggi omameba an sebelnarek welagen.

AYUB 32:3

Aren ogore it agaila'lak henagan aremnogo nen at Ayub en ugu mene omanogo ane oak sagalogo yagati logou mene re, we iren at weaget fogoin mene nek hilingiti lagaukwama re it aremnogo wenagisasikhe.

AYUB 33:8

Hun haren hane ikhi lagen mene andoma an mondogat nesanggo holhi, nen haren hendawi anggegendik ikhi lagen mene andoma ogo an futfigi nek.

AYUB 40:8

An fano igi mene, iluk hoba nonggologo re, An higithogo hilingitirek mene andi seramet fanhendik, Wene weak ikhi lagen, iluk yaganeti lagen a?

MAZMUR 69:9

An nogogwi nagoromi nen mene ogore it ekhe mene hangge hilingnabi'lagwi. An ninom tagongge mene nen ogore, it ekhe mene hangge hilingnabi'lagwi aro.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

LUKAS 10:29

at ap a'nogo endawimo nen he, Yesus nen, ap andi fano hilingiterek mene, iluk anggoageluk, mel yagatikhe: ”Afuni ninom welagorek mene nendawinggen hundik logogun andi, inebe sani,” iluk a'nogo yagatikhemo,

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.