AYUB 32:13 - Allah Wene Fano Wene Hupla Inane

¹³ A'nogo hilingiti logoligen meneat he hiren ikhi logolik, inendawinggen kagalek mene a'nogo niren mondogat hogo ikhi lagep? Andi nen he hit hinebe a'nogo ningginu-ningginu re hinane u lek hak aga andi. Nen we At Allah nen he Ayub en ugu mene omanogo nek he onggo u hak hilingi'mo higi.

AYUB 32:13 ပူးပေါင်းရင်းမြစ်များ

KEJADIAN 14:23

An nen hat hannge yi mene ti mene wanhi logolik, yosi he a, hele ineisok agut yelik mene he a, ekhe wanigin mondok lego. A'nogo wanigin lek andi nen, haren he, an nen Abram enggi werek hilingfigi, iluk yaganesigin mondok legaro.

AYUB 1:21

”An nagaisa alabutmo nen yi mene ti mene ekhe waluk ta'lagagi lek andi hak, nebe wa'lasimbik ogore nangge yi mene ti mene ekhe waluk lagain legaro. Neisena Tuhan nen wo'netendik hobuk Tuhan honggwarek hambotkwe helegen andi re, fano. Andi nen he, Tuhan henu nek lego mondok logouwak,” iluk fogeratikhe.

AYUB 19:21

Nagaila'lak. Allah nen noatemo welagi andi nen he, hinendawit nabini o.

AYUB 19:6

A'nogo anggikhi lagep halok he, wene yi futfeni. At Allah nenat yi enggin ti enggin noba fikhesik, heina su elema kwalharek andi hak, At elonggoma nobagaikhemo welagi o.

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

AYUB 31:40

gandum enggen fulelhi'lek, alok awi mene fulelikhi logouwak he, jelai enggen mene fulelhi'lek, engga weak mene fulelikhi logouwak he,” iluk at Ayub en wene huli andibaat arat isikhe.

AYUB 32:12

An nen hit fi-furogo kwelakhinarek were'ma re hiren ikhi lagep mene andoma holhugunem he, u elo'lekhogo nek ugunem hisikhi lagi, nen at Ayub en ugu mene omanogo re, ah, yi re weak mene ikhe iluk ogo hiren u re, elo'lek hilingi'mo hisigi.

AYUB 32:14

At Ayub en he an noba ikhi laga lek, athe hit hinoba ikhi laga, oba nen he an nen he hiren ikhi lagep andem hakhogo onggo u lek hak.

AYUB 4:9

Afuni weak hilingitarek mene andi re, Allah a'mage inoba fuluk inebe alomat fisigik, eleage ambisang elema nen furogo inebe legetfisigik, ikherek o.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

YESAYA 48:5

Andiba re o attagenat An nen a'nogo asigin iluk nane walhogo fesigisik, oan agi'lek werek kwelek, An nen mondogat yagahetigi aro, andi re hat hane ikhi logolik, tugwi kembu omanogo nen hilingite, iluk egen hanogoluk hilingitigi o.

YESAYA 48:7

Horok yogondak yaat An nen hilingiti lagi, endamen he fuk, wene yi haren ekhe holhi lagen lek mene. Haren ikhi logolik, an he yi wene ti wene mondogat nelu nek iluk egen hanogoluk hilingiti lagi.

YESAYA 5:21

Nen, hit hinonggwaregen nit mondogat hebelek welago, nen mondogat ninelu nek anggikhi lagep mene andoma re alomat lakhouwogeluk welagep!

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

YEHEZKIEL 28:3

Haren anggikhi logolik, an he mondok nalongsek logolik hibilik hebelek nagun welagi, nen Daniel he sebelek hangge iluk anggikhi logolik he, yi wene ti wene andoma hat helokhoma hinago mene ekhe werek lek anggikhi lagen.

ZAKHARIA 12:7

It hun Daud eisok erokwe mene inom, afuni Yerusalem mene inom, inenu werek logouwageluk wogisasigimo helasukwa mene andoma re, it Yehuda inap fenakwe inaiba inenu werek logouwageluk wogisasigi mene inom taganhogo hilingik logoinogo iluk An Tuhan nen tak tentara Yehuda mene inoba inomamet fisagain.

YOHANES 19:11

at Yesus nen he mel yagatikhe: ”At Allah nen he, Haren wene afuni inoba figik, kotik, ikhi logoino, iluk hat eisewerek fagailep le'ma re, haren wene noba fagain elole'k aro. Andi nen he, Haren weak hilingiten, iluk wene hoba endebat hak werek meneat he, at ekhe nen an nebe waganogo hat henggiba nobagai waga mene andi nek he, weak hilingite iluk wene hokho mene hak oba werego,” iluk yagatikhemo,

1 KORINTUS 3:18

Hinonggwaregen hinebe lalagubo. Hat ekhe nen he: ”Afuni yoma inanggele'ma nen an enek he nendawinggen kagalek mene welagi,” iluk anggikhi lagen halok he, hendawimo ebe wene andi wenggelasuagen he, afuni inanggele'ma yoma nen kemburogo logogin halok fano.

HAKIM–HAKIM 7:2

A'nogo wusi lagaukwama, Tuhan nen Gideon mel yagatikhe: ”Hat hagoromi inebe mondok hokho-pokhorogo werek. Hobuk it inomame asimbik inendawimo nen anggikhi logolik he, ninonggwarek ninomameba ninomame agagu, iluk inendawimo anggambik, An legeisogo nobagagi'lek hilingisinogo nen he, hit hinebe hokho-pokhorogo hilingik kwelek afuni Midian mene hinenggiba fugu aplere nabiro.