AYUB 30:22 - Allah Wene Fano Wene Hupla Inane

²² Haren he an sogoi en furogo wo'narek loageluk hera'nobagagik, sogoi hokho mene anggele'ma indu wandungge wo'narek loageluk hilingnobagagik,” ikhi lagen.

AYUB 30:22 ပူးပေါင်းရင်းမြစ်များ

AYUB 27:21

Sielu mo ero fikhit en funha waga logolik he at ebe ailoba were'ma omanogo nen funhogo waluk lagarek.

HOSEA 13:3

Iren a'nogo hilingiri'lagwi andi nen he, inebe hobuk ohena hea, athe, lilengge o hubet wela'lugen lek agarek andi hak inom, nen gandum enggen sagalharek oba afulfulengge sogoien funhogo waluk lagarek andi hangge inom, so'le o tum oba nen lagaikheresik lek agarek andi hangge inom, inebe a'nogoat lek asugun o.

HOSEA 4:19

Andiba it inebe re sogoien furisugunem hakhogo legasugun. Iren kembu dewa obaget warogo wogeti logogun mene omanogo faget he, inenggali asugun o,” iluk ikhe.

YEHEZKIEL 5:2

Arigin fembik minggilik mene andem kabok misik ekhe re o labesi wesugun oba andi arat agu halok haren o kota andi tulem andoma nolino. Kabok ekhe pirenek mene re weim enggat mago mene a'nogoba kota andi maset hikhi logolik tik tekhogo hugisilik lano. Nen henaganek mene re pogot fikhit poma hesangge hugisa lagaumo An nenggarok enggat merengsek mene a'nogoba libik-lebekhigik hugisagain.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

MAZMUR 104:3

nen Hat hawi re o pogoroba andoma, i amboloba ambe palhigik wurogo fesigin. Kereta ba lagaikharek andi hak, Hat hanggwe nikhi logogin kwere, ohena elalogo fesigin. Sue ogolabiba tarogo lagarek hak, hogolabi sogoi oba tarogo nikhi lagen.

MAZMUR 18:10

Pogot healhaluk he At ebe ohena hik meneba eisok sebelik pi wagarek,

MAZMUR 1:4

A'nogo meneat he, it afuni inobabut higithogo hilingiti'lek weak kwanirogo nek hilingitarek mene re a'nogo ekhe hilinglagarek mondok lek. It inebe re, yi mene ti mene afulfulengge sogoi en funhogo waluk lagarek andi hangge werego.

AYUB 21:18

It andi sogoi en inom, sielu nen inom furogo waluk laga logolik, engga inom, wul age inom, furogo lagarek a'nogo hak agaikha mene ekhe werega?

AYUB 9:17

Aren wene yi'nogo ti'nogo lek kwelek oba nen enggin-fenggin ekhe inom noba fugunem, an nebe sogoi hokho mene anggele'ma al perelogo nobagaikhemo welagi.

MAZMUR 102:10

An he wul omanogo namburu higit agunem nunggu welagirek, neilamusu re nagai higit agunem nunggu welagirek.