AYUB 27:9 - Allah Wene Fano Wene Hupla Inane

⁹ At oba wene asi wesigin halok le agunem, At Allah nen ane elok holu hak nogo a?

AYUB 27:9 ပူးပေါင်းရင်းမြစ်များ

MAZMUR 109:7

At ebe awene heirogo palhunemen, at weak eberogo hilingite mene enek asuago, nen aren samban ili'lago mene andi re aweak iluk anggikhi logouwago.

MAZMUR 18:41

It naselei mene omanogo an were'ma nen loageluk Harenat hilingnobagakhi lagen, afuni an nebe inabit mene re an nen mondogat legetfisikhi lagi.

MAZMUR 18:42

Iren inane humeri'lagwi, oba nen he aben ekhe leberisili'lagwi lek, nen iren Tuhan oba inane yagari'lagwi, oba nen he Aren inane onggo yagaisili'lago legat.

MAZMUR 66:18

An nen weak hilingitarek awene nek nagaiyek haluk nendawimo wenggelhi logoilema nen he, ibi-eberogo nen At Tuhan nen esanggo holilep lego.

AMSAL 1:27

Yogo, ou ero inailo mene waluk wagarek andi hak, hit hinendawinggen hinailo hoporek mene hilinghinobagagik, weak mene ekhe hinoba agik ikhe halok he, endo yakhinabigin o.

AMSAL 1:28

Hinoba a'nogo hilinglasigin sambul andem he, hiren an nayonggo fogoin meneat he, an nen hit hinane onggo igi'lek herakhinobagagin o. Nen hiren an hera'nabik o ekhema-ekhema logoin meneat he, an ninom ambi asugun mondok lego.

AMSAL 28:9

Sa nen Allah awene melalek a'nogo higithogo hilingiti logogin lek halok, Allah nen ogo aren samban ikhi logogin mene andire hebak aferek logogin.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YEREMIA 11:11

Andiba re, An Tuhan nen it ineluet fikhi logolik, enggin mene An nen it inoba lakfei wesumo re it he hina'lasugun lek. Iren ambi An noba lebetninabuageluk kino yaganesugun halok mene ogore An nen it inane holigin mondok lek.

YEREMIA 14:12

Iren inambe heang logolik, An noba lebetninabin iluk kino yaganesumo mene ogore An nen inane nesanggo holhi logogin lek, nen iren An nobaget nendawimo nagaiyek hoageluk nolhik, gandum enggen nolhik hilingisugun meneba nen ogore An nen nagaiyek it inoba fagain legat. Agamhogo re An nen it inebe weim oba nen inom sumburu ouwagen inom, ouen oba nen inom mondogat leget fisagain o,’ iluk yaganete.

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.

HOSEA 7:14

Iren inendawinggenma ibi-eberogo nen samban An noba ili'lagwi lek. Iren samban ikhi logolik he it inebe nogoli'lagwiba omanogo weing la'luk, afuni An noba eberogo anggili'lagwi lek mene nen hilingiri'lagwi omanogo hakhogo re le ari'lagwi. Iren ambi gandum inom anggur inom kino yaga'neti logolik halok he, ap kembu dewa fogerari'lagwi mene nen hilingitarek hakhogo inebene inagap palikhi logolik kino yaganeri'lagwi. It he mondok ibi-eberogo nenat An nane sagalogo hilingiri'lagwi.

MIKHA 3:4

Hiren Tuhan oba yagati logolik, ”Lebetnisan o,” iluk hinane kwesugun oba nen Aren hit hinane onggo yagahisagain lego. Nen, hiren mondok kwanirek mene hilingiti lagep andiba re, hiren samban ugun mene ogore Aren esanggo holigin legaro.

ZAKHARIA 7:13

An nane ikhi lagagi mene holhi lagaukwa le'ma re, iren samban oba An nayonggo fikhi lagaukwa mene ogore holhi lagagi legat andi.

LUKAS 13:25

Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

YOHANES 9:31

Afuni weak hilingitarek mene Allah nen inane esanggo holherek mondok lek andi, nit ninelu o. We, afuni inailorogo logolik, at endawimo anggikherek mene higithogo hilingiterek mene halok, Allah nen inane esanggo holherego.

ULANGAN 1:45

A'nogo mabenet hinobagasukwama, hit hinambotkwe wagagipsik he Tuhan oba nit lebetnisano iluk yaganetigip oba nen he, Aren hit fut hinobagagik hinane esanggo holhik hilingitikhe lek a'nogo,” iluk yagaisasikhe.

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.