AYUB 27:20 - Allah Wene Fano Wene Hupla Inane

²⁰ I fu founalogo sebeli wagarek hak inailo mene oba asi weri'lago. Sogoi o hubanggo waga logolik he funhogo lisogo waluk lagarek.

AYUB 27:20 ပူးပေါင်းရင်းမြစ်များ

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

AYUB 15:21

Weak mene ane inesanggolema houwakhogo kwili'lagunem he, fano welago heaba were'ma nen he it ap hinatarek mene omanogo ferekhogo inoba kwi waga logogun o.

AYUB 18:11

It ap kwanirogo hilingiri'lagwi andi re, inabel fena-fena inamel-mel aple nek hilingigen he youk lagaikharek, nen it laga logolik he inamel-melhogo nek lagaikharek.

AYUB 20:23

At alabutmo kwalikherek mene faget aseng-seng paseng-senghogo hilingitu sambul aremnogo re, At Allah nen anini at oba fikhesik he unggum wogete.

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,

AYUB 21:18

It andi sogoi en inom, sielu nen inom furogo waluk laga logolik, engga inom, wul age inom, furogo lagarek a'nogo hak agaikha mene ekhe werega?

AYUB 22:16

Athe inebe wa'lagaikharek oba oan asi wagi'lek werek kwelek weak-weak woginaferek, nen i fu wagu mene nen sebelinabi we'luk woginapluk lagarek.

AYUB 24:18

A'nogo isikhemo at Zofar en ikhi logolik he, ”Ap weak hilingiri'lagwi mene halok he i fu waga logolik woginapluk lagarek, it inanggweang he At Allah nen homan fikherek. At eabu anggur yabumo omanogo re yogondak afuni yabu ekhe hilingitu le'ma re inarek mondok lek.

AYUB 34:20

At Allah nen it ap sebelinarek mene omanogo unggum wogisamo re, hubenggen tulem oba nen ogore it inebe ferekhogo wa'lasu hagat. Nen, it ap inalong-pinalongsek inap omanogo re siserogo inoasumo re, it inebe mondogat legasu hagat.

MAZMUR 18:4

At Tuhan andi re enu hombuk palu higit obaat ayonggo fugu welagimo re, Aren an naselei mene inoba nen fikhalogo wulak nobagali'lago.

MAZMUR 42:7

Nit ninebe afuni nen, wo'ninarek wagaukwama, ap inaiba yoma logolik, nendawinggen warugu welagirek, nendawimo weak agu welagirek. Andi nen an nendawimo nen he, Tuhan hoba ebetu mondok welagi o. Tom Hermon oba nen inom, Mizar oba nen inom i Yordan fanggongkwe fu aninirogo waga logolik ane tungetunem hikhi lagi andi hak weak noba mondok agunem, nendawimo mondok weak welagik, nendawimo heiselhik, igirego.

MAZMUR 83:16

Haren he hasieluba mugusogo lak fisigik, Hat hasogoi oba re it ina'manggen lakfisigik, ino.

MAZMUR 90:5

Haren he, inabi hagarek andi hangge ninebe leget ninobagagik, nen i nen woginapluk lagarek hak hilingninobagagik ikhi lagen. Nen yi mene ti mene fulelheresik,

KELUARAN 12:29

A'nogo hilingitukwama, o hubanggo andi sambul hup enggen tulem nineisena Tuhan nen afuni Mesir mene inagainafuri ap manggusa mene nek, ero at raja Firaun amlogoba nen pikhit ap inenggi hele warek welagaukwa mene huli inagainafuri mondogat inoatikhe. A'nogo inoati logolik, wam eagwi attak tago mene mondogat inoatikheat.

DANIEL 5:30

A'nogo yagaisasikhesik were'ma, o hubanggo andi sambul, it afuni Babel mene inoe raja Belsyazar a'nogo ebe watukwa.

YUNUS 2:3

An nebe i laut elema ma'lima Haren pelakfanhenma, ma'lima nen i omamerogo nera'lukwe nabung-habung niigik, i ha'labu nen esinggen foinalogo sebelnabi wagik, ili'lago yi.