AYUB 24:9 - Allah Wene Fano Wene Hupla Inane

⁹ It ap kwanirogo hilingiri'lagwi mene andi nen he yenggerugwi ineisugwi inagaisawi lek mene omanogo inomameba sebelinarek welagik, it ap inenggi lek mene omanogo inoba it inangge palek werek halok he ap a'nogo omalik he iren heligik, ili'lagwi.

AYUB 24:9 ပူးပေါင်းရင်းမြစ်များ

2 RAJA-RAJA 4:1

Linggene misik oba re he sogwe ekhe ap nabi mene agwe at Elisa ba lagaikhesik yagati logolik, ”Neisena, an nagun he ebe wa'lagama o! Nen at ebe re Allah ane hologo hilingiti laga mene andi re neisena haren ogo helu aro, oba nen aren ap inangge ekhe oba palek were'ma re, an nagun wa'laga mene a'nogo oba palegengge a'nogo faget ap ebe yogondak wagasik he, angge obali'mo re an neagwi inebe pire aremnogo helambik amingmingenggeap eragain iluk wagasik werego,” iluk yagatikhe.

NEHEMIA 5:5

A'nogo ugu logolik he iren he, ”Nit he Yahudi ninap he le'nogo a? Yahudi ninap aro. Nen, ninagainafuri re it afuni Yahudi fena andoma inagainafuri hak he lek nogo? It ogo it inagainafuri andi higit aro. Oba nen he niren nit ninagainafuri andoma afuni inamingmingengge asuageluk obogerisikhi lago andi. Andem enek fuk, nit nina'logomi oba nen ogore ap inamingmingengge asuageluk herakfisogoat. A'nogo hilingitosik anggolo nen nit nineabu inom, ninagayo anggur yabu inom he, afuni nen uang wo'nisoageluk yagaisasugusik amu mene ekhe hilingisu elo'legenau hilingito andi,” ikhi lagaukwa.

AYUB 22:6

Nen, haren hat agailak ekheba hombalegengge werek mene omanogo obali'mo wokhesu elo'lek agunem he, haren at asu mondogat telugunem he at labetu mene ekhe werek lek.

AYUB 24:10

Ap inenggi lek mene omanogo re nunggu mene halek legengge nili'lagwi, at a'nogo laluk yabumo omanogo gandum enggen palhunemen he sumburu aik fili'lago.

AYUB 24:8

O tom oba nen he at ebe meiso kulu lagalogo watunem meiso nen tom a'ma lombo i kuluk werek.

AYUB 29:12

An nen he it ap inenggi lek mene nen lebetninabin ugu halok leberinafik, it yenggerugwi suarek mene afuni nen leberinabu lek mene re an nen leberinafi lagagi.

AYUB 6:27

Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

YESAYA 3:14

Nen At Tuhan he afuni At againafuri ferinarek welagaikharek mene inobaget inawene higithogo pilingitu mene hilinglasigin. A'nogo hilinglasimbik he Aren it inoba hikhip isagain mene re yi: ”Hirenat anggur yabumo enggen ugu mene omanogo re hugul engge nek helikhi lagep, ariginhi lagep andiba re, hit hinailoba re ap inenggi lek mene inangge helikhi lagep mene omanogo nen hoporek werek.

ULANGAN 24:7

Nen, hit afuni Israel mene ekhe nen afuni hit mene ekhe inebe hinagainapluk he, amingmingengge hilingisogo fikhe halok hea, athe, afuni ekhe inoba onggo palhe halok hea, ap andi ebe mondok wa'no o. A'nogo hilingisugun halok, hobuk weak andi hangge hilingiti logogun mondok lego.