AYUB 24:5 - Allah Wene Fano Wene Hupla Inane

⁵ Andiba re ap enggi lek mene a'nogo re wam keledai maro mene nen o leimo engga filikwe omanogo nunggu mene faget he andoma nek were'ma heratarek higit, it inagainafuri inamburu nunggu mene faget herarik nikho.

AYUB 24:5 ပူးပေါင်းရင်းမြစ်များ

KEJADIAN 16:12

A'nogo takhagain meneat he, heak andi obabut he, wam keledai enda'ma mene obabut weak mene hangge logogin o. At he, ogogwi agoromi mondogat inom mondok heksek were'ma, afuni inebe lombogen at wasuogeluk igik, aren inebe lombok inoasigeluk igik, inom mondok weak logogun o,” iluk yagatikhe.

KEJADIAN 27:40

Hat he, henggarok andibaat afuni inoatungge logogin. Logolik he, hebe hagot amingmingengge hilinglasimbik meneat he, hobuk nabit iluk folim hibirogo menlasimbik he, hale'ma asigin o,” iluk yagatikhe.

AYUB 12:6

Oba nen he, ap hinatarek mene andi re, afuni nen ogo inanggomo pali'lagwi lek, it afuni Allah oba inailo legengge ane oak sagalharek mene omanogo nen it mene inanggembuba inendawinggen tibet fuluk logolik inonggwarek inomameba werek oba nen ogore, inebe mandok fanogo werek.

AYUB 24:14

O hup hil mogolhu kwelek omanogo re at ap wa'ni a'nogo re nogoikherek oba nen feisakhogo menlagaresik he wulibi laluk ap inangge mondok lek mene omanogo inoasi wulibi'lagwi. Nen o oan wei igi'lek kwelek aremnogo re ap hinatarek mene nen hakhogo konu-konu lili'lagwi.

AYUB 24:6

It ekhe ineabu mene omanogo re iren anggolo-anggolo heligik, it kweang hilingiri'lagwi mene inagayo anggur enggen omanogo kabogetik, hilingiri'lagwi.

AYUB 5:5

It ineabumo inangge yi mene ti mene yakfakhaluk enggen palogo fugu mene omanogo re, it ap inamburu ouwak inelokhoma hoporek mene nen inenggi abisak helaluk nunggu welagik, Nen gandum e alok agayo anggelekwe yago mene ogore, it ap sumburu nele mene andi nen felelenghogo nunggu welagik, ikhi logogun o. Nen, it inangge mene andoma inom, yi mene ti mene inenggi werekhogo werek mene andoma inom he, it ap, ninangge yi mene ti mene logoilebe, iluk anggili'lagwi mene andi nen ineilenggen lourek mondok logogun.

MAZMUR 104:23

A'nogo werek kwelek, it afuni ogo inenggingge wanuogoluk wulibi lagaikharesik, inenggingge wilik nikhi la'luk he, o hu'mo agunem inailokwe inambotkwe kwi wagaikharek.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

YEREMIA 2:24

lagaresik, o leimo afuni inareng le'ma andoma lagarek. Lagaresik, alele fi'luk ai waluk herarik lagunem ai nageluk a'mage het-het hilingitunem he fak fou elo'lek agarek. Alele fiterek sambul a'nogo re ekhema-ekhema at elokhe hangge nek welagarek, ariginik nugunem ai mene nen he segetlekhogo ai ninggerek. A'nogo hilingiterek andi hak, hat he a'nogoat hilingiti lagen o.

HOSEA 7:6

Endu wulenggen wagane'ma nonggalek hak iren inaniniba hilingfogoin iluk hilingitarek mene andoma a'nogo hilingitik, nen it inanini nen ina'mage lagaikharek mene a'nogo hubanggo inendawimo het lagaikhi la'luk, hubet he endu amulok kulunghogo lagaikherek hak inendawimo ina'mage wulabi'lagwi andi.

HOSEA 8:9

Linggene keledai maro mene nen kwanit hikherek hak Israel mene re inendawimo nen anggaluk enek hilingiri'lagwi. Iren he Asyur en lebetninabuageluk heraginabik lili'lagwi, nen inunggulenu amu mene inoba ninom sebesuogen iluk onggo palinabi'lagwiat.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

YOHANES 18:28

A'nogo hilingi'luk, sue ane isikhemo hup siakhogo at Yesus ap Kayafas were'ma nen, o wene inoba figik kotik agarek oba waluk lagaukwa. Waluk lagaukwasik he, Yesus enek oloba kwelakfesukwasik, ”Nit seni Paskah a'nogo mene ninggi logou ha'ma, ninabisak kumo re, nit ninebe weak fakhogo hanogo,” iluk he, o wene inoba figik, kotik agarek oba andoma kwigi'lek we o silimo kamo isukwa.

KISAH PARA RASUL 23:12

Ohealekwe ap Yahudi mene inebe ekhe andoget fesukwasik he, Paulus ebe wasuogeluk weim abok ikhi logolik mel isukwa: ”Niren Paulus ebe wati'lek logolik, i inom, sumburu inom, ninggi'lek logombigen, arat wato halogen nouwogo,” iluk hombuk palogo wene palhukwa.