AYUB 24:4 - Allah Wene Fano Wene Hupla Inane

⁴ Iren he ap inenggi lek mene inangge omanogo helogoin iluk hilingitunem kwe palinafu nen he, ningginu-ningginu it ap inangge lek mene omanogo re hina'lari'lagwi.

AYUB 24:4 ပူးပေါင်းရင်းမြစ်များ

AYUB 24:14

O hup hil mogolhu kwelek omanogo re at ap wa'ni a'nogo re nogoikherek oba nen feisakhogo menlagaresik he wulibi laluk ap inangge mondok lek mene omanogo inoasi wulibi'lagwi. Nen o oan wei igi'lek kwelek aremnogo re ap hinatarek mene nen hakhogo konu-konu lili'lagwi.

AYUB 29:12

An nen he it ap inenggi lek mene nen lebetninabin ugu halok leberinafik, it yenggerugwi suarek mene afuni nen leberinabu lek mene re an nen leberinafi lagagi.

AYUB 29:16

It ap inenggi lek mene faget he an nen it ineisena hakhogo aga lagagi, nen it ap pok mene faget he an it inalong palengge aga lagagi.

AYUB 30:25

An he it afuni enggin-fenggin inoba were'ma ninomat le agik, nen it ekhe inenggi lek logolik inelagaik were'ma, nendawirinafik ikhi lagagi.

AYUB 31:16

An he, afuni inangge mondok inelagaik mene leberisigi'lek kamo igik, hemi sogwe mene nong a'luk logouwagaluk kofologo herakfisigik, ikhi lagi lego.

AYUB 31:19

Afuni ekhe inangge lek mene inelagaigen inangge yi mene ti mene endebat, inasu onggo pala legat were'ma neilenggen haluk,

MAZMUR 109:16

Ap andi re aren afuni inelagaik isaluk inendawirinafu menere mondok onggot welaga. Aren he afuni inenggi lek mene inom inebe wiik-weakhogo werek mene omanogo inom, weak peakhogo fisikhi laga, nen afuni inobakheligik werek mene omanogo aren pinggi inoati laga.

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.

AMSAL 14:31

Ap ekhe nen ap enggi lek mene fanot fikhe halok he eisena Allah legeisogo fili'lago, nen ap ekhe nen enggi lek mene andi sebelfikhe halok he eisena ebe Elalhe mene a'nogoat sebelogo fikhe.

AMSAL 22:16

Ap ekhe enggi werek asigin iluk endawimo anggikherek mene andi re, ap inenggi lek mene sebelisaluk, ap enggi werek mene onggo wogisagarek andiba ambisangma onggwarek alomat fakhagain.

AMSAL 28:12

Ap fano hilingitu mene nen melalinafu werek halok he afuni mondogaren inagaiyek inoba welagaikharek, oba nen ap weak mene nen melalinafu halok he, afuni koma kwe lagaikha heat hina'lagaikharek.

AMSAL 28:28

Ap weak hilingitarek mene nen ferinarek were'ma re afuni ineil mondok hinago werek, oba nen ap weak hilingitarek mene andi wa'lagunem he, ap higithogo hilingitarek mene omanogo ekhe inom hokhoarik lagaikharek.

AMSAL 30:14

It ekhe nen he inangge nunggu mene herakhikhi logolik ina'mageba ninghogo mondok hilingitarek, a'nogo hilingiti logolik afuni sebelek mene inom, inenggi lek mene inom inabiret fisaluk inenggi omamerogo sebelinarek welagaikharek.

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YEHEZKIEL 18:12

Aren afuni inenggi lek mene eranhogo wene lalinafik, inangge teligik, ap at oba palegengge werek mene nen inendawinggen litungge iluk werek mene omanogo felelenghogo heligik, ikherek. Aren ap Tuhan inonggot mene nen tugwi kembu fogeratarek kwe omanogo laluk he kembu ina'meilo mene omanogo fogeraterek.

YEHEZKIEL 18:18

Hebekhogore eisena nen eranhogo wene igik, afuni inangge teligik, weak amu mene inomat hilingitik, hilingiterek mene andi re at onggwarek aweak hilingiterek mene andoma ambisangma at ebeat wa'lasigin.

YEHEZKIEL 22:29

Afuni inenggi werek welagaikharek mene nen he ineranhogo wene yagaisikhi logolik afuni inangge telhigik helagarek. Iren ap inenggi lek mene omanogo inendawimo nen anggaluk enek weak peakhogo hilingfisigik, nen ap pok mene inangge ekhe inom manggorogoat telogo heligik, agarek.

AMOS 2:7

Iren afuni inomame lek yi'nogo ti'nogo ekhe hilingsu lek mene ineisogen tandamerisigik, afuni inangge inelagaik mene filikhogo wulakfisigik, agarek andi. A'nogo hilingiti logolik, ap ekhe amlogo emberegen he helime silerik ekhe inamingmingengge nom werek mene re it emberegen fakfisaluk pailak hilinginabi lagwi andiba re, an nenu weagerogo fagarego.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.