AYUB 24:12 - Allah Wene Fano Wene Hupla Inane

¹² O kota kwe omanogo re ap inebe weak-peakhogo logolik he nginugeri'lagwi, nen it inoumo werek mene nen he hilingninabi we'lep ago iluk inane kweri'lagwi, oba nen he iren samban ugu mene andi At Allah nen esanggo holi'lago lek, nen Aren it inane hologo hilingiri'lago legat.

AYUB 24:12 ပူးပေါင်းရင်းမြစ်များ

KEJADIAN 4:10

A'nogo yagatikhemo At Tuhan nen he, ”Hat hobabut mondok weak inailo mene hilingiten andi nenahalok? Hat hagot amep kweangma nen, unggulmo fouwageluk ane hokhorogo nenu hombuk pali'logo andi lega?

AYUB 24:11

E zaitun enggen oba nen he amusu keralhik, nen anggur enggen oba nen he i nunggu mene keralhik, hilingiri'lagwi, oba nen he it inebe i nele nen endawimo age mondogat lagagu kwelek a'nogo hilingiri'lagwi.

AYUB 24:13

Afuni fenakwe nen he selek a'nogo ninabit iluk he inom selei higit hilingfuluk logolik he, iren at inonggot engge, nen aren kwe yagaisugukwe a'nogo mu'luk lagi'legengge hilingiri'lagwi.

AYUB 9:23

Ap weak hilingiri'lagwi lek mene andi inebe ferekhogo wa'lagu halok he At Allah re we endo ari'lago.

AYUB 9:24

Kweang yi re At Allah nen it afuni kwanirogo hilingitarek mene inoba wogisasikhe, nen it ap wene katokhogo pilingitarek inap hakim omanogo re Aren ineilenggen pukhogo fisikhe. Nen At Allah nen hilingi'lep lek halok he, ap sa nen ekhe hilingi'lep anggegep?

MAZMUR 10:13

Nenahalok it afuni weak hilingiri'lagwi mene andoma nen Allah inendawimo seramet fuluk, nit Allah nen wene ninoba fagain lek iluk hilingiri'lagwi nogo?

MAZMUR 109:22

An he nenggi lek logolik nelagaik mondok welagi, nen an nendawimo noumo nelonggoma mondok nilik kugunem ou hugu welagi.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 50:21

Andi mene nek hilingitu welagep andiba re, An alokhogo welagi andi faget hiren anggikhi logolik he, At he nit ninom higit anggikhi lagep. Oba nen he, hit hilingik welagep mene faget yogondak An nen yagahisikhi lagi andi, nen andoma mondogat he hiren enek hobagaigiluk An nen weinamet fikhi lagi o.

MAZMUR 69:26

We, it inawi tenda wurikwe andoma re obalik enek hilinglasuak. Nen it inawi wurikwe andoma re folugenek asuak.

KELUARAN 22:27

Su we misigenek mene hilingi'mo, ebe aganhanhogo iluk, andiba huli'liphogo nogoli'lagonggere, nen hiren at onggwarek wogosugun lek halok, at nogokhi logolik he nenanggeba huli'liphogo nogogin anggegep? Aren lebetnean o iluk An noba ane kwesigin mene andire, An nen elagaik hambik ane nesanggo holigin.

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

YESAYA 52:5

Yogondak An nen yoma ninggi'nogo mene hilingisigin he? Afuni Babel mene nen ogo hele warogo hinobagasukwasik hinoba wiik weakhogo hilinghinobagakhi lagaukwa. Iren hit sebelogo hinobagaluk wonoget fakhikhi logolik hundik-handik An nenu mondok weak peakhogo hilingfikhi lagaukwa.

YEREMIA 12:1

Tuhan neisena, an nen nawene helaluk hat hoba wesumo nen he Hat hamu nek he eberogo mene welagen iluk weinam asu hagaro. Oba nen he an nen hat hoba wene heirogo hilingitarek mene andi faget heinok wokhikhi lagiat: ”Nenahalok ap ina'mage weak hilingitarek mene andi inenggi werek logolik fano werek nogo? Ninggi'nogo nen ap higithogo hilingitarek lek mene nen hilingitunem ambisangma higit enek agarek nogo?

YEREMIA 12:2

Haren it he helokhomat fisaluk engga wiliferek mene hakhogo hilingfisugunem, omanggen pelafik, hokho agik, ikheresik enggen iterek. Iren he hat hobaget inaneba mondok fano mene nek ili'lagwi, oba nen inendawimo nen he Hat fanorogo futhobagagi'legengge nen hilingiri'lagwi o.

MALEAKHI 2:17

Hit hinane ikhi lagep andiba re, Tuhan aberalit fikhi lagep meneat he, hiren, ”Niren ninggi'nogo Tuhan aberalit fikhi lago nogo?” iluk heinok wanhi lagep andi re furogo yagahisak: Hiren ikhi logolik, ”Afuni mondogat weak hilingitarek mene andoma re, nineisena Tuhan nen he, fano nek hilingiri'lagwi anggikheresik, Aren he it faget endawimo agaiyek inoba fili'lago ikhi lagep,” Nen ekhe re mel ikhi lagep: ”Allah nen unggum higithogo nek pilingerisili'logo iluk ili'lagwi a'nogo ebe koma werek,” iluk heinok wanhi lagep andiba Allah aberalit fikhi lagep andi o, iluk yagaisasikhe.

MALEAKHI 3:15

Nen hiren ekhe inom ikhi logolik, Afuni winik-wonok agarek mene andoma re inagaiyekhogo werek. Nen, ap weak hilingiri'lagwi mene ogore it inebeba inenggi werekhogo nek ari'lagwi lek oba nen, iren, nit Allah At alokhogo werek mene a'nogo obabut paluogo, iluk agarek meneba nen ogore, it inebe inagap telagunem enek nit nineilenggen isikhi lago oma re agwi,” iluk ikhi lagebat.

2 PETRUS 3:15

A'nogo hilingiti logolik, hinendawimo nen he: ”Ninoe Enupogot endawimo nen menenei uan ebeterek andi nen, weak-weak wagi'lek oan werek andi re, telninabigeluk eranenat oan nenangotninarek werek,” iluk hinendawimo anggano. At ninoe Paulus ebe ninendawi mene a'nogo Allah nen endawimo kagalhikhemo wene a'nogo iluk lisu palogo hinoba lakfei wagaikhe andi.

HAKIM–HAKIM 10:16

Andi isukwasik he, iren inanggembu alik waganek mene omanogo hugisasukwasik Tuhan apne wanhukwama re, it enggin fengginhogo logolik hilingiti lagaukwa mene a'nogo Allah nen isasikhesik endawi ou hasikhe.