AYUB 24:1 - Allah Wene Fano Wene Hupla Inane

¹ It afuni At inom hundik mene andi re wene higithogo pilingisoageluk he, Nenahalok At Allah nen wene ebe pilingisugun sambul a'nogo wenagaisogo fikhe lek nogo?

AYUB 24:1 ပူးပေါင်းရင်းမြစ်များ

KEJADIAN 18:17

Lagaukwasik, At nineisena Tuhan endawimo nen he, ”An nen hobuk hilingisigin mene andi Abraham labeligin lek, nabit.

KEJADIAN 7:4

Nenggi 7 nen logombigen he, afuni inebe inom, yi mene ti mene inom, An nen elalinafigi mene andi inoasuagaluk meiso pelabi wagunem aninurogo nunggu kwelek lingge hundik hup hundik were'ma inenggi 40 hari nunggu mondok logogin o,” iluk yagatikhe.

AYUB 15:20

It ap kwanirogo hilingitarek mene nen inagaila'lak sebelinarek logolik enggin-fenggin inoba fugu werek mene andoma re, inendawimo yegelik eti logolik enek logogun.

MAZMUR 31:15

Oba nen he Tuhan neisena, Hat hebere an neisena Allah welagenma re, an he Hat hoba nek eberek mondok welagi.

MAZMUR 36:10

Afuni yi mene ti mene ineluk werek mene andi ineluk erore we Hat hamuat welagen, Hat haselek oba nek niren selek mene hikhi lago.

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

PENGKHOTBAH 3:17

An nendawimo nen he At Allah nen, o andi sambul ti'nogo hilinglasuak, iluk anggikherek obaat hilinglagarek, andi nen he afuni inobabut higithogo hilingitarek mene inom, weak hilingitarek mene inom, inebe lombok hobuk wene inoba figik, kotik, igin, anggikhi lagi o.

YESAYA 2:12

Linggene andi sambul he, Tuhan Mondok Omame werek mene a'nogo nen he, ap inonggwaregen leget fagarek mene andi sebelfisigik, afuni winik wonok agarek mene inom, legeisogo fakhagarek mene inom he, unggum wogisigik, igin.

YESAYA 60:22

Nen we it afuni ineisok erokwe inebe endebengge hilingik were'ma wenagisikhi logogun oba nen, hobuk inunggulenu hokho mene asimbik inomame mene logogun, Nen inenggi ekhe higit asi wesigin oba re, An Tuhan nen weak-weak hilingisigin o,” iluk ikhe isikhe.

YEREMIA 46:10

Oba nen An Yeremia nane ikhi logolik he, ”O linggene yi re Tuhan Allah Mondok Lego logolik Omane Hokho welagarek mene a'nogo awi o. O linggene andi sambul he Aren aselei mene omanogo mondogat ambisangma inoba hilingfisagain o. At enggarogen he, it inebe ineiloak leget fisigik, inamep firokhogo ninggik umo re inoba homot lasigin o. Linggene yi sambul he Tuhan Omame Mondok Hokho mene a'nogo nen Aren warogo fikherek engge omanogo utara fikhit i Efrat aik oba omanogo warogo fikhemo werego.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

OBAJA 1:15

A'nogo isikhesik ekhe inom ikhi logolik he, ”An Tuhan nen afuni inunggulenu lombok inawene pilingisogo ayo wurinabigin sambul a'nogo re, ibi-eberogo nenat horogasi waga o. Nen, at Edom en hilingiti laga mene andoma re aren hilingiti laga onggo at oba ogo a'nogoat hilinglasigin. Aren afuni amu mene inoba hilinginafunem hikhi lagaikha andem hakhogo re arogo a'nogoat hagain aro.

ZEFANYA 1:7

Tuhan nen he At againafuri omanogo afuni nen wam warogo foukhogo hilingitarek hak it hele warogo inoasigin iluk fik-fougeti logolik he, it Yehuda mene inaselei mene ogore inayonggo fikheat. Nen linggene Tuhan awi andi sambul hilingisigin oba andi re mondogat horogasi waga. Linggene andi sambul he At Allah ebe nenat hilingisigin enggere, At awe a'ma andoma hinabolok legat logoni.

MATIUS 24:38

I hokhorogo nabung-habung isikhe andi, oan hilingiti'lek werek kwelek, it afuni andoma nen sumburu ninggik, enggen amusu ninggik, aben hemi ikhigik, it ekhe igisigik, ugu kwelek he, at Nuh a'nogo e so elema kwisikhe.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

KISAH PARA RASUL 1:7

Yagatukwama re, aren mel yagaisasikhe: ”Wene egep andi, an neisena eiseweregen anggasikhe higithogoat hilinglasigin andi nen he, hiren he, Huli ti huliba logombik hilinglasigin, iluk hinelurogo logogun elo'lego.

KISAH PARA RASUL 17:26

At Allah nenat, yi afuni ti afuni o inawi lombok logouwageluk, o hulithigik, Tahun yiba logombik, tiba lek asuak, iluk hulithigik, endawimo tak anggasikhesigen, yi afuni ti afuni inunggulenu lombok mondogat wialarik loageluk, eroba re, ap misigat ekhe elalhikhe.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

1 TESALONIKA 5:1

Nerugwi nagaila'lak. Afuni ekhe yogot wanuogeluk hubanggo ninonggorat were'ma wagaikharek hak, ninoe Enupogot wesigin andi sambul a'nogoat wesigin iluk, hit furogo hineluat welagep andi. Halok he, an nen: ”Yi sambul hilinglasigin, ti sambul hilinglasigin,” iluk, lisu palogo hinoba lakfei wesigin he elo'lego.

1 TIMOTIUS 4:1

Allah Areagun nen wene fakhogoat yaganisikhi logolik he, ”O wurep oba, afuni ekhe Allah ane eberogoat iluk anggili'lagwi mene nen, wene andi, Ninabit, iluk herakfisaluk he, Iblis agoromi nongerinafarek mene inawe a'ma kuluk, wene iren yagaisagarek wene andi fakfuluk hilingiti logogun.

1 TIMOTIUS 6:15

At Allah nen, ”Yi huli weinamet fagain,” iluk anggasikhebaat weinamet fugunem wesigino. At Allah fogeratu mondok welagaikharek mene, alegat omame werego. Andi nen, inenupogot welagaikharek andi mondogat faget he, inoe Enupogot at alegaro. Nen, yi afuni ti afuni inogogwi kaindek welagaikharek mene andi, mondogat inoe kain he alegaro.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.