AYUB 23:7 - Allah Wene Fano Wene Hupla Inane

⁷ An weak hilingiti'lek iluk andi re At elokhoma nenat nonggwarek nalong palageluk welagimo re, andiba an mondok-mondok andoma wene noba legengge logogin o.

AYUB 23:7 ပူးပေါင်းရင်းမြစ်များ

AYUB 13:16

Ap kwanirogo hilingitarek mene re inambong serogo Allah elokhoma menlasila elo'lek oba nen he, an nambong se andi nen an nagap telagain logou hak.

AYUB 13:3

Oba nen he, an nen At Mondok Omame Hokho mene a'nogoba nane ikhi lagi. An he At eilhanem andem an nawene hilingik mene andi nalong palagain iluk hilingiti lagi.

AYUB 23:10

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.

AYUB 9:15

An weak hilingiti'lek oba nen ogore, an nen At oba nane ninghogo u lek hak, we At Allah an nawene katokhogo tegeterek mene andiba hendawi nean iluk enek he yagasu hak.

YESAYA 1:18

Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.

YEREMIA 12:1

Tuhan neisena, an nen nawene helaluk hat hoba wesumo nen he Hat hamu nek he eberogo mene welagen iluk weinam asu hagaro. Oba nen he an nen hat hoba wene heirogo hilingitarek mene andi faget heinok wokhikhi lagiat: ”Nenahalok ap ina'mage weak hilingitarek mene andi inenggi werek logolik fano werek nogo? Ninggi'nogo nen ap higithogo hilingitarek lek mene nen hilingitunem ambisangma higit enek agarek nogo?

YEREMIA 3:5

Ekhe haren ikhi logolik, ”Hat a'mage nit ninoba fugu mondok logogin nogo a, iluk ikhi lagen andi. Ariginik oba nen he Israel ao, haren hilingisigin iluk anggegendek mene omanogo obogisaluk he ha'mage lagaikherek mene a'nogo hilingiti lagenat andi,” iluk ikhe isikhe.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.