AYUB 23:13 - Allah Wene Fano Wene Hupla Inane

¹³ At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

AYUB 23:13 ပူးပေါင်းရင်းမြစ်များ

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

AYUB 12:14

Aren meisalisugunem he, obali'mo wusu re elo'lek, nen Aren afuni hele warogo fisugu mene andi re lologo wulakfisa re elo'legat.

PENGKHOTBAH 3:14

At Allah nen yi'nogo ti'nogo hilingiterek mene andoma re mondok-mondok logogin andi nen he an nelu o. Nit afuni nen ekhe oba to'motfigik, misik ekhe pelakfigik hilingisu mo re elo'lek. Nen At Allah nen a'nogo hilingiterek mene andi re niren At oba ninailorogo logouwageluk hilingiterek.

MAZMUR 135:6

O pogoroba inom, kweangma inom, i laut oba inom, i laut unggut uanhogo yenggele'ma andoma inom, At onggwarek endawimo wenggelherek mene higithogo nek hilingiterek.

PENGKHOTBAH 1:15

Ebe lek kwelek wenasu lek hak, nen kwanirek mene moret foumo re elo'lek.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

ROMA 9:19

A'nogo hilingiterek andi nen, hat ekhe nen an mel yaganesigin anggikhi lagi: ”At Allah endawimo anggaluk hilingiterek mene andi, sa nen, Nabit, iluk legetfagain nogo. A'nogo legetfagain elo'lek meneat he, nenahalok wene ninoba fili'logo,” iluk ugun anggikhi lagi.

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

AYUB 11:10

At Allah nen hat senhobagaluk wokharek Aren awene tegeterek oba habogari lamo nen he, ap sa hagen ambong serogo Aren hilingitunem andi kwe palu hak nogo?

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

AYUB 10:13

Oba nen he, haren a'nogo elalnafi logolik andoma linglong, at ebe alomat fagain, iluk wenggelhigin mene a'nogo yogondagen an nelu ari'lago.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

AYUB 23:14

Aren an nobaget hilingnabigin mene hokhorogo wenggelhe mene andoma werek kwelek he, wene lenggalogo fikhe mene andoma mene hilingnobagaigeluk werek.

YESAYA 46:11

An nen ap omame werek mene wolesumo re timur fikhiren wesigin, at wesigin andi re sue senggelni nen wagarek hak wesimbik An nen tekhogo isigi mene omanogo higithogo hilingisigiluk wesigin. Wene nena wene An nen isigi mene andoma re An nenat yabu higithogo hilingisigin. Nen An nen melalhigi mene andoma re tiphogo nek hilingisigin.