AYUB 23:12 - Allah Wene Fano Wene Hupla Inane

¹² Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

AYUB 23:12 ပူးပေါင်းရင်းမြစ်များ

AYUB 15:11

Niren he At Allah enuba ninendawi sakhorek logolik fanorogo yagaheti lago, oba nen he At Allah nen hendawimo konogo yagaheri'lago mene andoma wanu mene re nenahalok habit sek welagen?

AYUB 22:22

At Tuhan nen yagaheri'lago mene andi re furogo helaluk he, mondogat andoma hendawimo foukhogo fisogo logoin o.

AYUB 23:13

At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

AYUB 6:10

A'nogo hilingnobagagin halok enek he, an nendawimo nen he andi re koninaferek higit hilingnobagaikhe iluk nagaiyegen mulugeti logogin. Allah mondok horek mene a'nogo awene melalek he an mondogat fut figirik he hologo nek hilingitu welagi.

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:127

Haren wene yi'nogo hilingiti logoino ti'nogo hilingiti logoino iluk werek mene andoma re, emas we sebelek hak hilingik kwelek mondok lego werek, nen emas mondok wurik mene ogore sebelek enek, andi nen he an nen nendawirogo welagi.

MAZMUR 33:11

A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

AMSAL 30:8

An nen neranhogo wene inom, homan fisagarek awene inom igi hanogo, nen an nen nenggi werek asuageluk inom nenggi lek asuageluk inom obokhogo herak nobagau fuk. We an nendawimo namolo mene higithogo hilingnobagagin fano.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

LUKAS 12:42

at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.

LUKAS 12:46

Noe a'nogo o andi sambul, jam andiba wesigin, iluk mondok onggorat were'ma oe kain a'nogo ha wesimbik he, amingmingengge mene a'nogo ebe pinggi warogo re, it afuni ekhe inendawinggen Allahba himbiret figi'lek mene fisikherek oba andoma lakfagain o.

YOHANES 4:32

A'nogo yagatukwa meneat he, at Yesus nen mel yagaisasikhe: ”Sumburu an mene werek meneat he, ebe ki mene he, hit hinonggoro,” iluk yagaisasikhemo,

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

YOHANES 8:31

A'nogo himbiret fesukwama, at Yesus nen he, it ap Yahudi mene inendawinggen at oba eberogoat himbiret fesukwa mene omanogo mel yagaisasikhe, ”Hiren, an nane hologo hilingiti logogun halok he, hinebe an nagoromi ebe mene nawe a'ma logolik he,

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

1 PETRUS 2:2

Yi mene ti mene enduk mikhaluk, fano agarek andi hak, ninoe Enupogot obabut fano hikhi lagep andi nen he, omalik ket tago mene eilak nele nen nunggu mondok welagaikharek andi hak, wene fano wene hinendawinggen andiba wurik asumo fanothinabuagaluk, wene andiat wanhu mondok logoino o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.