AYUB 22:9 - Allah Wene Fano Wene Hupla Inane

⁹ Haren it hemi sogwe mene leberisikhi lagen lek mene andi faget enek he fuk, athe it yenggerugwi suarek mene ogore haren homameba sebelogo fisikhi lagenat.

AYUB 22:9 ပူးပေါင်းရင်းမြစ်များ

AYUB 24:21

A'nogo agu aple andi re aren it hemi sogwe mene omanogo sebelogo fisigik, nen it hemi ibili mene omanogo haferogo hilingfisigik, ili'lagwi andiba ari'lago.

AYUB 24:3

Wam keledai eak yenggerugwi suarek mene inanggo mene re kumbi fetenghogo wulak fisili'lagwi. Wam sapi hemi sogwe mene inanggo re it inoba palegengge werek mene omanogo onggo palogo iluk helili'lagwi.

AYUB 31:21

Wene pilingitunem it yenggerugwi suarek mene sebel fisaluk, an nane esinet fogoin iluk, it wene pilingitarek mene inenggiba figimo halok,

AYUB 6:27

Hiren he it yenggerugwi suarek mene a'nogo inom helebenggen walhaluk he, it inelagaik anggigi'lek engge hilingiti lagep, hit hinare hinom hundik meneba nen ogore, hit hinenggi werek asugun iluk henarogo lalhi lagep.

MAZMUR 10:15

Afuni weak hilingiri'lagwi mene inom, Hat hane sagalogo fuluk hilingiri'lagwi mene inomen, inomame werek iluk hilingiri'lagwi mene andi re Haren it inomame lebeleget fisan o. It inobabut hilingiri'lagwi andiba Haren wene inoba foumo re it inebe ekhe weinam asugun lego.

MAZMUR 37:17

Ap inobabut weak mene inomamerek logolik hilingiri'lagwi mene andi re At Tuhan nen enek inomame leget fisagain o, oba nen he afuni fano hilingitarek mene re inalong palogo ferinarek logogin.

MAZMUR 94:6

Iren he hemi sogwe mene inom, yenggerugwi suarek mene inom pinggi inoatik, nen ap pok mene o kweang yiba werek mene omanogo inoatik ikhi logolik werek.

YESAYA 1:17

Hinobabut fano hilingitarek mene yanggulikhi logoino. Yanggulaluk he, higithogo hilingitu mene omanogo omamerogo elokhomat fikhi logoino. It ekhe afuni fena nen eagerinafagarek mene andoma leberinafik, yenggerugwi suarek mene inawene fanorogo hal fisigik, hemi sogwe mene inawene faget inebikhit agik, ikhi logoino,” iluk ikhe.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YEREMIA 48:25

Moab omame werek mene a'nogo re omame leget fikhe, nen along werek mene re wolelenggenhogo legetfikhe. Iluk An Tuhan nen nane mondogat igi,” ikhe.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

YEHEZKIEL 30:22

An Tuhan Lego Mondok welagirek mene a'nogo nen nane ikhi lagi. An yi re raja Mesir aselei mene welagimo re, An nen enggi pirenet ekhe omame werek mene inom nen somborek mene a'nogo inomat sombologo lakfisagain o.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 23:14

Hit ap Allah ane lisu palek eisewerek mene inom, Farisi mene inom, hinagap oba nek fano logolik hinendawinggen pire mene yi ri! Allah nen weagethinabigin o. Hit he, hemi sogwe mene inawi wurik inom, inagarek inom, sebelikhi logoligat he, afuni nen, inesanggo holiluk, it fano anggoageluk samban uan-awan lithilik laga lagep a'nogo hilingiti'lek logoilepma re, Allah nen wene endebat hinoba feilepsik logoilep. Mene re, a'nogo hilingiti lagep andi nen he, wene enggin mene hinoba fembik weagethinabigin o.

ULANGAN 27:19

’Ap pok mene inom, yenggerugwi suarek mene inom, hemi sogwe inom inangge telagarek mene andi re homan ugu logouwak,’ ugunem. ’Amin!’ ikhi logogun.