AYUB 22:22 - Allah Wene Fano Wene Hupla Inane

²² At Tuhan nen yagaheri'lago mene andi re furogo helaluk he, mondogat andoma hendawimo foukhogo fisogo logoin o.

AYUB 22:22 ပူးပေါင်းရင်းမြစ်များ

2 TAWARIKH 33:13

A'nogo samban isikhe mene a'nogo At Allah nen esanggo holhikhesik he, at Manasye a'nogo ekhe inom melalinafi logouwageluk he o Yerusalem nekhengge lakfei wagaikhe. Andi hilinglagaikhe andiba nen he, Tuhan andi re eberogo nen at Allah, iluk at Manasye a'nogo endawinggen At oba tibet fesikhe.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

AYUB 6:10

A'nogo hilingnobagagin halok enek he, an nendawimo nen he andi re koninaferek higit hilingnobagaikhe iluk nagaiyegen mulugeti logogin. Allah mondok horek mene a'nogo awene melalek he an mondogat fut figirik he hologo nek hilingitu welagi.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

AMSAL 4:21

Wene andi hugisa fuk, oba nen he hendawinggenma ago warogo fetaluk logoino.

AMSAL 4:4

neisena nen komo wene yaganeti laga. Yaganeti logolik he yi'nogo ikhi laga, ”Komothafi lagi mene oma re eberek mondok logoino. Haren we misik iluk ogo ekhe honggorasu fuk. Hebe fanorogo logoinogen he an nen komothafirek mene andoma higithogo nek hilingirik laga logoino.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

YEHEZKIEL 3:10

Hobuk ekhe inomat Allah ane ikhi logolik, ”Afuni wa'lagaikharek mene yi re, An nen yi wene ti wene hat hoba yagaheti lagi mene andoma fanorogo fut-fuluk wenggelhi logoin o.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

LUKAS 2:19

Meneat he, at he Maria a'nogo nek he, wene isukwa mene omanogo endawinggenma wanhikhesik he, menenei ebeti lagaikhe.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.